KEV KHAJ CAI NYOB THAIB TEB

Monday, October 26, 2020

Hnub tim 14 lub 10 hli no, nyob ntawm tus pej thuam kev ncaj ncees nyob hauv tuam ceeb Npaas Koj (Bangkok). Muaj kev sib tawm tsam loj thiab ua rau cov tub ntxhais hluas taij kev vaj huam sib luag coob leej raug mob. Lawv lub hom phiaj yog khaj cai ntiab tus thawj pwm tsav Prayut ChanOcha kom nws tawm mus. Muaj cov tub ntxhais hluas ntau txhiab leej ua kab sab khaj cai mus rau tseem hwv lub tuam tsev lis dej num, ces cov tub ceev xwm thiab pab pej xeem npuab tseem hwv tog thiaj tau nrog cov tub ntxhais hluas sib tawm tsam ntxhov quav niab.

Tau 2-3 lub hlis los no, muaj kev sib sau tawm tsam ntiab cov tseem hwv Thaib uas yog muaj cov tub hluas ua cov ntaus thawj. Thiaj muaj cov tub ntxhais hluas ntau txhiab leej sib koom tawm tsam ua ke.

Cov tub ntxhais hluas hais tias : “Peb yuav hloov txoj cai nyob Thaib teb kom rais ua ib lub teb chaws vam meej, peb tsis xav nyob hauv txoj cai qub thiab lub teb chaws zoo li yav tag los.”

Add new comment

1 + 0 =

Quick Links