Kev noj qab haus huv rau cov poj niam thiab cov me nyuam nyob hauv qhov chaw ti nyob Lahore

Umeed Partnership yog lub Koom Haum tsis nrhiav nyiaj txiag koom nrog Rotary International, npaj lub rooj qhuab qhia no kom tau nrog cov kws tshuaj sib tuav xam txog kev nkaug tshuaj Vaccine pub dawb rau 1000 tawm tus neeg nyob hauv Lahore uas yog qhov chaw neeg coob coob ua ke. Tus thawj coj Shamin Gulzar hais tias “Kev txom nyem yuam cov poj niam ua hauj lwm hnav kom tau yug lawv tsev neeg”.

Txij 9 teev sawv ntxov mus txog 5 teev tsaus ntuj, muaj tshaj 1000 tawm tus neeg nyob hauv ntau lub zos tau txais kev kho mob dawb. Lawv rub 3 lub tsev ntaub, 1 lub rau cov poj niam thiab cov me nyuam ntxhais, 1 lub rau cov me nyuam thiab 1 lub rau cov neeg nkauj Vaccine Polio (tuag tes tuag taw).

Vim xyoo no cov mob Polio muaj 14 leeg. Muaj 6 tug kws kho mob ua cov soj ntsuam thiab faib tshuaj nkaug tshuaj rau sawv daws. Hnub kawg ntawm cov hauj lwm kho mob, Rotary International tau faib khaub ncaws tiv no rau 200 yim neeg.