Kev sib kis tus kab mob Omicron, ua rau Thaib teb rov qab kaw

Wednesday, January 05, 2022

Hais txog kev txwv nkag teb chaws thiab kaw tus kheej 14 hnub yuav ua kev kub ntxhov rau cov neeg txawv teb chaws mus tag lub xyoo no.

Cov tseem hwv Thaib tau qhib kev teb chaws tos txais cov neeg ncig tsham teb chaws tuaj Thaib teb, kom tau txhawb nqa kev lag luam. Tab sis rov muaj dua tus kab mob Omicron Variant, ces ua rau kev caij tsheb mus los tsis yooj yim.

Hnub tim 20 lub 12 hlis no, kev soj ntsuam txog tus kab mob Omicron, tau ntsib 2 tus neeg Aas Kiv thiab 1 tug neeg Npes Zis uas tuaj txawv teb chaws tuaj, lawv yog cov neeg muaj tus kab mob Omicron nyob hauv lub pov txwv Koh Samui, nyob Thaib qab teb.

Tam sim no tus kab mob Omicron tab tom sib kis loj nyob Aws Los Pas thiab lwm lub tuam teb. Hais txog Test & Go nyob Thaib teb cov tseem hwv tso cai rau cov neeg txawv teb chaws uas nkaug Vaccine txwm raws txoj cai teeb tseg, yog lawv tuaj txog Thaib teb mas tsis kaw lawv tus kheej. Tab sis nyem no txoj cai hloov lawm, yog ib tug neeg txawv teb chaws tuaj txog Thaib teb yuav tsum raug kaw tus kheej li ntawm 14 hnub.