KEV SIB KOOM TES NTAWM HANOI THIAB BANGKOK NYOB HAUV LUB HIAV TXWV SUAV NAJ FAB

Monday, April 05, 2021

Kev sib sab laj Online hnub tim 14 lub 2 hlis xyoo no ntawm cov tseem hwv Nyab Laj thiab cov tseem hwv Thaib, mas 2 tog tau sib tham txog cov teeb meem nyob hauv lub hiav txwv Suav naj fab. Hais txog Asian tus yam ntxwv, mas 2 lub teb chaws no yuav txawj xam pom txog qhov tseem ceeb thiab kev sib hwm ntawm txoj cai kav dej hiav txwv uas yog lub Leej Haum Kuj sau tseg xyoo 1982 (Unclos).

Muaj coob leej uas paub txog cov teeb meem no zoo ntseeg tias ; teeb meem dej hiav txwv tsis hais lub hiav txwv Suav sab hnub tuaj mus txog rau lwm cov hiav txwv, mas yog ib yam teeb meem uas ntxaws thiab ntxhov heev. Vim li ntawd, tsis muaj leej twg yuav twv tau thiab hais meej meej.

Nyab Laj teb thiab Thaib teb sib cog lus ua phooj ywg txij xyoo 1976 los lawm, thiab 2 lub teb chaws puav leej yog tub koom tes nyob hauv lub Koom Haum As Xes As (Asian). Tam sim no muaj tsoom pej xeem Nyab Laj nyob Thaib teb coob tshaj 100,000 leej. 2 lub teb chaws muaj kev lag luam ua tus choj tuam zoo heev.

Xyoo 2019, Thaib yog 1 lub teb chaws nyob havuv 10 lub uas ua lag luam nrog Nyab Laj loj kawg. Muaj kev nqes peev nyiaj txiag li ntawm 12.3 txhiab plhom US dos las. Thaib teb thiab Nyab Laj teb cog lus tias xyoo 2021 no, 2 lub teb chaws yuav sib koom ua hmoov tsuj xeeb nco txog 2 lub teb chaws kev sib cog phooj ywg txwm 45 xyoos. Thaib teb thiab Nyab Laj teb kuj cog lus tias lawv 2 lub teb chaws yuav sib koom tes ntxiv mus rau xyoo 2021 txog 2024. Ces kev nqis peev lag luam ntawm ob lub teb chaws yuav nce siab txog 20,000 plhom US dos las nyob hauv txhua txhua xyoo.