KEV SIB NTAUS ROG 5 XYOOS NYOB YES MEES TEB

Lub Koom Haum saib xyuas tib neeg kev ncaj ncees hais tias : kev sib ntaus rog 5 xyoos nyob Yes Mees teb, ua rau kev noj qab haus huv ntawm tsoom pej xeem thiab lub teb chaws raug kev piam sij loj kawg. Ces lub Koom Haum CAFOD tau muab nyiaj mus pab cov yim neeg uas lawv raug kev txom nyem, kom lawv tau nyiaj muas mov noj. Vim lub teb chaws Yes Mees muaj tsov rog, ces thiaj ua rau tsoom pej xeem raug kev tshaib nqhis coob dua lub hlis tag los lawm 24 feem pua. Nyob Yes Mees qab teb, mas kev sib ntaus rog ua ntxhov quav niab thiab thaum lub 4 hlis kuj muaj dej nyab, ces ua rau tsoom pej xeem tau txais kev kub ntxhov kawg. Cov tseem hwv Yes Mees thiaj thov kom lub Koom Haum CAFOD pab txhim tej lub yeej thoj nam ntxiv. 
Tus ntxhais vaj Nos Zaws hais tias : tam sim no pom tau tias tsoom pej xeem Yes Mees sib kis tus kab mob Covid-19 coob zuj zus, thiab kev ncaj ncees ntawm tib neeg nyob hauv tsoom pej xeem kuj tsis muaj. Ntau lub tsev kho mob nyob Yes Mees qab teb kuj tsis kam txais cov neeg mob Covid-19 thiab, vim li ntawd cov teeb meem tshwm sim nyob Yes Mees qab teb yog ib co teeb meem loj kawg, thiab yuav ua rau tsoom pej xeem nyob hauv cov yeej thoj nam kis tus kab mob coob dua qub. Kev tshaib nqhis ntawm tsoom pej xeem yog tus kab mob loj tshaj tus kab mob Covid-19. 
Lub Koom Haum Caritas Internationalis thiaj yuav tsum ua tus nres thiab pab daws tsoom pej xeem kev tshaib nqhis, vim cov tseem hwv Yes Mees tab tom tau txais kev kub ntxhov los ntawm cov yeeb ncuab As Tshas Npas.