KEV SIB TAWM TSAM RHUAV KEV THAJ YEEB THIAB UA KOM MUAJ KEV NTSHAI

Zim txwv no kev tawm tsaj khaj cai tiv cov tub rog Mias Mas muaj nyob hauv ntau lub nroog thoob teb chaws Mias Mas. Kev sib tawm tsam yog ib txog kev ua kom tsoom pej xeem haj yam ntshai cov tub rog. Vim kev tawm tsam zaum no cov tub rog coj tsheb tua rog tuaj nres nyob hauv ntau lub nroog txhiab zov tej ncauj ke loj.

Tas tsoom pej xeem uas tawm tsam cov tub rog muaj ze ntawm 100 txhiab leej nyob txhua txhia qhov chaw, thiab sawv daws taij thov kom cov tub rog tso Oos Xas Xus Cis thiab tso lawv lub zog tub rog yuam tsoom pej xeem tseg, vim kev siv lub zog tub rog uas kom lub teb chaws piam sij xwb.

Tab txawm muaj kev kub ntxhov li no nyob hauv lub teb chaws, tsis kav muaj coob leej thov kom cov tub tseev tsim ua hauj lwm ntxiv mus. Txij hnub tim 12 lub 2 hlis no los, cov thawj tub rog tau muaj txoj cai txwv tsoom pej xeem sib sau ua ke. Yog tias qhov twg muaj neeg sib sau ua ke coob tshaj 5 leeg, mas txhais tias txhaum txoj cai thiab yuav tsum raug kaw 20 xyoo.

Tsoom pej xeem sib sau khaj cai nyob hauv Nes Pis Dos, Yaas Nkoos, Maas Ntas Les thiab Mias Kis Nas coob kawg. Tsoom pej xeem kuj sib sau nyob ntawm tseem hwv lub tuam txhab ceev nyiaj nyob Yaas Nkoos, lawv thov kom cov tub ua hauj lwm hauv lub tuam txhab koom tes nrog lawv khaj cai. Lub Leej Haum Kuj thiaj ceeb toom rau lawv tus tiam lis Christine Schraner Burgener thiab cov thawj tub rog Mias Mas tias : kev sib tawm tsam nyob hauv lub teb chaws, mas yog kev piam sij.

Cov tseem hwv Suav nyob Pej Ceeb hais tias ; lawv yuav tsis txuam nrog tej teeb meem nyob hauv Mias Mas teb thiab yuav tsis muag riam phom raws li sawv daws tej lus xyav nyob hauv Social Media.

Nyob hauv lub caij Mias Mas teb kub ntxhov no, kuj yog lub caij txwm 6 xyoo ntawm Tswv Qhia Bo ua Tswv Qhia nyob Yaas Nkoos, thiab yog lub hnub yug ntawm Txiv Plig Nos Es Xos Nos Ais (Noel Sawnaw Eye). Kuj muaj cov Txiv Plig, cov Leej Phauj thiab cov neeg ntseeg coob leej nqa dej thiab tej yam txhiam xws noj coj mus faib rau cov neeg khaj cai noj.