KEV SIV LUB SUAB LUAG NTAWM LUB KOOM TXOOS, PAB COV POJ NIAM HAUV PAS LES TIS NAS

Friday, July 16, 2021

Latin Patriarchate of Jerusalem tau npaj ib lub rooj sab laj hais txog lub suab luag thiab ntsej muag luag ntxhi, kom tau pab cov poj niam Pas Les Tis Nas nyob hauv lub nroog txawj ua siab loj tiv thaiv lawv tej kev nyuab siab, kom tau pab kho lawv tej siab ntsws. Muaj cov poj niam 16 leej nyob hauv lub nroog Yes Lus Xas Les sab hnub poob tau tuaj sib koom sau siab ua kev, kom tau pab cov poj niam nyob Yes Lus Xas Les uas lawv qaug zog thiab muaj kev nyuab siab nyob hauv lub caij tus kab mob COVID-19 tab tom sib kis no. Yam li kev poob hauj lwm, kev ntshai thiab cov uas lawv lub cev muaj mob kom rov nyob kaj siab.

Kev ua li no ntawm cov poj niam yog tau txais kev txhawb nqa los ntawm Latin Patriarchate txij thaum muaj tus kab mob sib kis los. Muaj coob leej poj niam tau nkag mus koom kev sab laj thiab muaj coob leej kuj muaj coob leej poj niam uas pab tau kom lawv dim ntawm lawv tej kev nyuab siab thiab cov poob hauj lwm. Teeb meem yog los ntawm tus kab mob COVID-19, ces ua rau hauv tej tsev txais qhua tsis muaj neeg tuaj pw, tej chaw ncig tsham tsis muaj neeg tuaj ncig tsham, ces ua rau cov txiv neej poob hauj lwm, cov poj niam thiaj raug teeb meem siab ntsws. Latin Patriarachate npaj cov hauj lwm nyob hauv lub caij muaj kab mob sib kis, yog cov hauj lwm pab tsoom poj niam thiab cov me nyuam ntxhais nyob Yes Lus Xas Les sab hnub tuaj, kom lawv tau xyaum tej yam mus pib lawv lub neej yav tom ntej.