Kev ua nom zaum 3 ntawm Xim Ceej Pheem pib poob qis zuj zus, vim tsoom pej xeem tsis huam vam thiab kev lag luam poob qis.

Hais txog kev ua nom zaum 3 ntawm Xim Ceej Pheem, mas pib tau tsis zoo pes tsawg. Yog thawj zaug nyob hauv 60 xyoo uas tsoom pej xeem Suav tsawg dua tsaib no lawm. Kev vam meej ntawm kev lag luam tsuas nce 3 feem pua xwb, yog ib qho pom tau tias phem kawg zaum 2 txij xyoo 1976 los.

Raws kev soj ntsuam ntawm lub rooj pwm tsav tus zauv (NBS) hais tias : tsoom pej xeem Suav tsawg dua qub tuaj li ntawm 850,000 leej, nyob hauv tsaib no uas tsoom pej xeem tas nrho yog 1,401 plhom leej. Tam sim no Is Ntias teb cov pej xeem yuav los huas ntej coob dua cov neeg Suav. Tsoom pej xeem Suav tsawg thawj zaug nyob hauv xyoo 1961, vim yog ib xyoos uas tsoom pej xeem Suav raug kev tshaib nqhis loj kawg.

Lub Leej Haum Kuj pom tias thaum txog xyoo 2050, mas tsoom pej xeem Suav yuav tsawg dua zim txwv no li ntawm 109 plhom leej, vim tseem hwv txoj cai tsuas kheev muaj ib tug me nyuam nyob hauv xyoo 2015. Tab txawm li ntawd tsis kav tsoom pej xeem kuj tseem vam meej zuj zus, ces tsuas yog txoj cai txaus ntshai ntawm ib tug thawj coj nyob hauv lub teb chaws koom tshaj xwb.

Hais txog fab kev tsim tawm nyob hauv kev lag luam, kev lag luam poob qis kuj yog los ntawm cov neeg laus muaj coob tuaj, ces thiaj ua rau fab kev lag luam nres zog tuaj.

Hais txog fab nyiaj txiag, kuj yuav poob qis zuj zus thiab ua rau Suav teb cov nuj nqis siab tuaj, cov nyiaj tau los ntawm kev sau se kuj tsawg heev thiab kev siv nyiaj rau tej pab pawg neeg, rau tib neeg kev noj qab haus huv nce siab tuaj.