Kev ua qhev tsis yog yam cim tseg nyob hauv tej keeb kwm

Hnub tim 2 lub 12 hlis, peb yuav ua hmoov tsuj xeeb hais txog kev tsis ua qhev nyob hauv Internet. Nod yog raws cov ntsiab lus ntawm tsoom tub zog txawv teb chaws (ILO). Muaj 40 plhom tus neeg nyob thoob ntiaj teb poob rau hauv txoj kev ua qhev txheej tshiab los ntawm tub zog txawv teb chaws. Tab txawm tias kev ua qhev txheej tshiab tsis tau sau cim tseg rau hauv tsab cai, tsis kav kuj yog ib lo lus kav tas txhua yam kev ua hauj lwm, xws li kev quab yuam ua hauj lwm hnyav, kev tshuav luag nuj nqis, kev quab yuam sib yuav thiab kev nyiag muag neeg.

Txhua yam hais no, yog kev nrhiav nyiaj los ntawm cov neeg tsis muaj zog thiab tsis muaj peev xwm tiv, los sis teb tsis tau luag tej lus thiab hais tsis tau tawm. Vim nws raug hem, raug tsim txom, raug quab yuam, raug ntxias dag thiab siv lwm lub tswv yim ua tej yam tsis zoo.

Tsis tas li ntawd, tseem muaj cov me nyuam yaus tshaj 150 plhom leej poob nyob hauv txoj kev quab yuam ua hauj lwm, muab xam los mas yog 1 hauv 12 npaug ntawm cov me nyuam nyob thoob ntiaj teb. Kev ua qhev tau hloov ua ntau yam nyob hauv tej liv xwm. Niaj hnub nyem no kev ua qhev zoo li txheej thaud kuj tseem muaj thiab tab sis tsawg lawm. Feem ntau tau hloov los mus raws txheej tshiab raws li lub Leej Haum Kuj tau soj ntsuam los. Txawm li cas los xij, txhua yam hais txog kev ua qhev yeej yog xyaw nrog lub teb chaws tej liv xwm. Yog los ntawm kev quab yuam cov neeg tsis muaj zog, tej pab neeg uas paub txuj qis thiab cov haiv neeg tsawg nyob toj siab. 1 tug me nyuam nyob hauv 10 leej me nyuam thoob ntiaj teb raug ua hauj lwm, feem coob yog tshwm sim nyob rau lub zim txwv no thiab yog ua luam muag neeg. Vim kev quab yuam me nyuam yaus ua qhev, yog hla me nyuam yaus kev ncaj ncees fab siab ntsws thiab tus ntsuj plig.