Khiav dim ntawm kev raug nyiag thiab kev quab yuam sib yuav

Hais txog kev nyiag neeg ntawm cov tub ntxhais hluas neeg ntseeg, ua kom pom txog kev txaus ntshai nyob hauv cov haiv neeg tsawg uas yog neeg ntseeg nyob Pas Kis Taas teb. Masheel Rasheed uas nws muaj 16 xyoo, nws raug quab yuam hauv kev sib deev, ces nws thiaj hloov kev teev hawm mus coj Islam thiab yuav Abdul Sattar uas yog tus nyiag nws. Masheel Rasheed yog Rasheed Masih's tus ntxhais yau, thiab lawv yog ib yig neeg ntseeg nyob hauv lub nroog Okara.

Nyob hauv lub nroog Okara muaj neeg nyob ze ntawm 10,000 leej. Yog nyob xib fab naj hauv lub nroog Lahore thiab Fisalabad. Xyoo 2021 muaj tub sab nyiag lawv tej khoom vaj khoom tsev thiab tsoo lawv lub tsev, ces lawv thiaj thov kom cov tub ceev xwm pab nrhiav ntes cov neeg phem. Xyoo tom qab Masheel raug nyiag thaum nws tab tom npaj yuav mus kawm ntawv. Cov tub sab nkag mus hauv tsev thiab xuas qws ntaus nws txiv taub hau, ces nws txiv tsis nco qab lawm. Masheel raug ntes thiab raug tso tshuaj, raug mos deev. Nws tej caj npab raug khawb raug ntaus to tag. Nws raug quab yuam kom yuav tus txiv neej ntes nws, tsis li ntawd mas lawv tsev neeg yuav raug tua tuag tas. Tom qab Masheel nyiag kev khiav dim, thiab nws rov mus nrhiav nws tsev neeg. Voice for Justice thuam txog cov teeb meem tshwm sim no tias : Masheel hnub nyoog 15 xyoos xwb, tab sis lub tsev txiav txim nyob Okara hais tias nws sib yuav raug cai. Qhov tias mas txoj cai sib yuav raug cai nyob Pas Kis Taas teb, yuav tsum yog hnub nyoog 18 xyoo.