LUB LEEJ HAUM KUJ NQUA HU THOV KOM SAWV DAWS TSO TSEG KEV QUAB YUAM LWM TUS NEEG

Hnub uas yog cov neeg thoj nam hnub nyob ntiaj teb, mas lub Leej Haum Kuj (UN) thov kom tas ntiaj teb ua cov hauj lwm los tiv thaiv kev quab yuam neeg thiab hlub cov neeg thoj nam. Vim tias tam sim no muaj cov neeg thoj nam nyob thoob ntiaj teb li ntawm 80,000,000 leej lawm. Nyob hauv 20 feeb, mas yuav tsum muaj ib tug neeg khiav ua thoj nam ntawm kev raug quab yuam los sis khiav tsov rog nyob hauv cov teb chaws muaj tsov rog. Cov neeg thoj nam ntawd khiav tawm hauv lawv lub teb chaws mus rau lwm lub teb chaws, thiab ib txhia yog ua thoj nam nyob hauv lawv lub teb chaws xwb. Cov khiav ua thoj nam mus rau txawv teb chaws, muaj ib txhia raug xa rov qab thiab ib txhia nkaum rau ub rau no yam tsis raug cai. Txawm li ntawd kuj xij, lub Leej Haum Kuj thov nqua hu ib tsoom neeg nyob thoob ntiaj teb thiab cov teb chaws uas muaj neeg thoj nam nyob, thov kom txhob muaj kev caij tsuj thiab saib sawv daws sib luag. 
Guterres uas nws yog tus lwm tswj hauv lub Leej Haum Kuj hais tias : lub Leej Haum Kuj zoo siab uas cov teb chaws muaj kev lag luam tau daws teeb meem kev lag luam kom ruaj khov nyob hauv nyias lub teb chaws. Peb tshuav cov teb chaws no nuj nqis thiab tsim nyog peb yuav txhawb nqa lawv txoj kev lag luam. Guterres tseem hais ntxiv tias : lub Leej Haum Kuj thov ua tsaug ntau ntau rau cov neeg thoj nam, uas lawv tsis tau ua kom lwm cov teb chaws kub ntxhov thiab lawv muab siab rau hloov lawv lub neej kom haum rau cov neeg nyob ze lawv.