Lub tsev txiav txim nyob Xis Laas Kas txiav kom tus qub thawj tub ceev xwm thiab tus thawj tub xov xwm them nqi taub hau rau kev tua neeg nyob hauv lub Caij Hla.

Friday, February 17, 2023

Hnub tim 12 lub 1 hlis xyoo no, lub tsev txiav txim nyob Xis Laas Kas txiav txim rau tus Txoov Tim Tswv Maithripala thiab tus thawj tub ceev xwm nrog rooj xov xwm, kom them 310 plhom rupee Xis Laas Kas, ua kev pauj rau cov neeg raug tua tuag hauv lub Caij Hla lawv cov tsev neeg xyoo 2019.

Cov tseem hwv tau txais lo lus txiav txim kom teeb tsa pob nyiaj pab cov neeg raug kev kub ntxhov thiab kom them nyiaj pauj rau cov neeg raug tua tuag tsis pub dhau 6 lub hlis. Yuav tsum sau ntawv piav txog kev them nyiaj pauj rau Apex Court nyob hauv 6 lub hlis. Cov neeg phem Islamist uas muaj npe tias : National Thawheed Jamaat (NTJ) uas zwm rau cov ISIS tau tua neeg tuag ze ntawm 270 leej thiab cov raug mob 500 leej hais txog kev chua hoob pob tua 1 lub tsev teev Ntuj thiab 2 lub tsev txais qhua hnub tim 21 lub 4 hlis xyoo 2019.

Nyob hauv cov neeg tuag ntawd muaj 11 leeg yog neeg Is Ntias.

Lub tsev txiav txim hais tias : cov thawj coj tsis tau ua raws li lawv tau hais kom tsis txhob muaj kev tua neeg tuag coob thiab zam dhau tej teeb meem ntawd.

Jayantha Jayasuriya tus thawj kws txoj cai hais tias : tus Txoov Tim Tswv thiab cov neeg raug them nyiaj ua nqi pauj, lawv tsis muab siab rau txog lawv txoj hauj lwm, ces thiaj ua rau muaj kev piam sij loj npaum no. Vim cov neeg tuag ntawd muaj ib co yog cov me nyuam yaus. Kev txiav txim no tau sau meej kawg txog qhov tseeb uas soj ntsuam los ntawm ib tug neeg zuj zus, thiab pib nug ntawm tus Txoov Tim Tswv mus txog rau cov tub xov xwm huv si.