Lub zog ntawm Internet, tsis hais phem los zoo

Lub zog ntawm Internet tsis hais yuav zoo los yuav phem, nws yog qhov tseem ceeb heev. Nod yog kev sib txuas lus ntawm electronic uas xa duab Video tawm kiag, cov kab ntawv, tej ntaub ntawv thiab hu kiag xov tooj mus txog rau txhua leej uas muaj xov tooj thiab muaj hlwb hlau (Computer). Yog qhov network uas muaj zog txuas rau hlwb hlau nyob thoob ntiaj teb. Tej lus thiab tej ntaub ntawv uas yus xa nyob hauv xov tooj thiab hlwb hlau mus txog tug neeg yus xa tam sim.

Technology uas txaus siab no tshawb nrhiav tau nyob hauv lub caij peb tseem ua neej nyob, nws pauv ntau yam ntawm lub ntiaj teb mus tsis tseg. Vim muaj neeg sib txuas coob zuj zus thiab tej ntaub ntawv tej lus neeg xa muaj ntau tas nrho, tab sis nws tsuas yog tib nias taub teg xwb ces tau lawm.

Internet yog ib hom siv sib txuas lus thiab kuj ua rau muaj kev phem, kev ntxub ntxaug thiab siv los tua neeg uas yog tej qhov phem heev. Ib yam li kev txhim kho Technology hlwb hlau, Technology kev tsim tawm AI yog ua los siv rau qhov zoo xwb, tab sis nws kuj muaj kev piam sij loj kawg. Muaj kev hla txoj cai, kev daj sib deev thiab tsim txom los sis muag cev nyob hauv Internet. 

Kev nrhiav nyiaj thiab yuam neeg nyob hauv Internet nyias ntsais thiab sau tej lo lus sib ntxub sib thuam nyob haud. 

Muaj cov tsev vas los sis yog Website liab qab thiab sib deev ntau tag nrho, xws li nyob hauv Facebook thiab Instagram hauv Internet.

Tej yam no muaj neeg siv los ntxias neeg, ua tub sab, huab nyiaj txiag, ua kev phem kis txog lwm tus thiab ua kev txaj muag. Kev ua luam neeg feem ntau yog ua los ntawm kev sau ntawv, kev sib tham uas siv tus zauv txuas nrog Internet.