As Mes Lis Kas cov nom sawv pej xeem cev sau txoj cai hauv 2 pab nom, kom tso cai rau cov neeg thoj nam Us Yis Kus

As Mes Lis Kas cov nom sawv pej xeem cev tau tshaj txoj cai ntawm 2 pab nom nyob hauv lub rooj pwm tsav Congress, kom tso cai rau cov neeg thoj nam Us Yis Kus tau nyob As Mes Lis Kas teb. Xws li thawj pab Us Yis Kus uas lawv khiav ntawm tseem hwv Suav lub txim tuag. Kom tso cai rau cov Us Yis Kus thiab lwm haiv neeg uas raug tseem hwv Suav quab yuam los ntawm txoj cai 2 thiab P-2, thiab kheev kom lawv tau thov ntawv nyob As Mes Lis Kas teb sai li sai tau. 

Kev phem kev tsiv uas cov neeg Us Yis Kus thiab lawm cov haiv neeg tsawg tau ntsib, mas yog qhov txaus ntshai kawg. Vim lawv tab tom poob nyob hauv tseem hwv Suav xib teg, ces qhov no thiaj yog cov teeb meem kub ntxhov uas tsim nyog muab siab rau ntawm lub Koom Haum saib xyuas tib neeg kev ncaj ncees nyob thoob ntiaj teb. As Mes Lis Kas teb tsis tuaj yeem yuav tig nrob qaum tau rau cov neeg uas khiav ntawm lub txim tuag zoo li no. 

Muaj ib tug nom sawv pej xeem cev nyob hauv pab nom Democrat hauv lub xeev Virginia kuj yog ib tug zoo siab txhawb nqa txoj cai txuag cov Us Yis Kus thiab. 

Txoj cai P-2 rau cov Us Yis Kus uas raug tseem hwv Suav quab yuam, vim muaj ntau zaj tswv yim txog kev tseev tsim thiab kev teev hawm. Yog tus twg tau txais kev teeb tsa, mas nws yuav tau txais kev pab ntawm tib neeg kev ncaj ncees ua qhov tshwj xeeb. Tsis tas li ntawd, nws kuj yuav tau txais kev ua neeg thoj nam raug cai nyob As Mes Lis Kas teb. 

Hais txog tseem hwv Suav kev quab yuam cov neeg Us Yis Kus thiab cov haiv neeg tsawg nyob Xinjiang raug sau cim khaws tseg zoo heev, vim muaj kev ceeb toom hais txog cov neeg raug kaw nyob hauv yeej thoj nam thiab nyob hauv nkuaj. Muaj kev tsim txom, kev quab yuam mos deev, kev quab yuam ua hauj lwm hnyav thiab cais cov me nyuam Us Yis Kus tawm ntawm lawv niam lawv txiv.