As Mes Lis Kas Part 1

Hmoob As Mes Lis Kas

Txij xyoo 1975 uas Los Tsuas teb swb tsov rog Nyab Laj, mas muaj li ntawm 127,000 tus hmoob khiav tawm teb chaws thiab tsiv mus nyob As Mes Lis Kas teb. 
    Txij xyoo 1975 txog 1992, Hmoob siv ntau xyoo maj mam ua thoj nam mus rau cov teb chaws tim 3. Hmoob khiav rau hav zoov hav tsuag thiab hla dej Naj Khoom mus rau Thaib teb, muaj coob leej raug tua tuag thiab yoo tshaib tuag nyob hav zoov hav tsuag. Cov khiav tawm mus rau Thaib teb, mas lawv nyob tos lawv tej ntaub ntawv thiab npaj mus txawv teb chaws. Tom qab xyoo 1975, tseem hwv As Mes Lis Kas pib txais 150,000 tus Hmoob nyob Thaib teb mus rau As Mes Lis Kas teb. Yog raws txoj cai kev soj ntsuam neeg tawg rog xyoo 1980, thiab pom tias yog kev tawg rog zaum 2 ntawm Hmoob.

Xyoo 1980, tseem hwv Thaib tau txheeb cov neeg thoj nam nyob Thaib teb thiab npaj xa rov qab mus Los Tsuas teb. Tab sis kev xa cov Hmoob rov qab ntawm lub Leej Haum Kuj thiab tseem hwv Los Tsuas tseem muaj teeb meem, vim tseem hwv Los Tsuas tsis kam lees txais cov Hmoob. Tseem hwv Los Tsuas hais tias cov Hmoob thoj nam nyob Thaib teb, yog cov tsim kev kub ntxhov rau lawv lub teb chaws.

Xyoo 2011 muaj li ntawm 250,000 tus Hmoob nyob As Mes Lis Kas teb, feem coob yog nyob hauv lub xeev California thiab Minnesota, dua li lwm cov xeev yog cov tsawg. Cov Hmoob nyob coob coob rau hauv 2 lub nroog, xws li lub nroog Fresno thiab lub nroog Saint Paul. 
    Tsis muaj ib haiv neeg thoj nam twg uas lawv yuav npaj siab ua lub neej xws li cov neeg As Mes Lis Kas txheej tshiab tsawg dua Hmoob, thiab tsis muaj ib haiv neeg thoj nam twg uas raug xa rov qab tas. Thaum Hmoob mus txog As Mes Lis Kas teb, mas Hmoob yog ib haiv neeg thoj nam uas tuaj ntawm As Xias toob fab naj tuaj. Qhov uas Hmoob tau mus nyob As Mes Lis Kas teb, mas yog ib yam txaus qhuas kawg. 
Hmoob nyob As Mes Lis Kas teb, muaj ntau txhiab leej tau kawm ntawv tiav qib siab. Ces lawv muaj dej num ua xws li cov neeg As Mes Lis Kas. Thaum ub cov Hmoob uas muaj hauj lwm ua, tsuas yog tug puav tub tsav dav hlau thiab cov tub rog xwb. 
    Tam sim no cov Hmoob nyob As Mes Lis Kas muaj hauj lwm ua ntau txhiab leej, ib txhia ua kws kho mob, ua kws lij choj hais plaub ntug thiab ua xib hwb qhia ntawv nyob hauv cov tsev kawm ntawv txheej siab. 

Kev soj ntsuam Hmoob nyob As Mis Lis Kas teb xyoo 2000, pom tias cov Hmoob 60 feem pua yog cov hnub nyoog tshaj 24 xyoos. Lawv txoj kev paub txuj tsuas nyob rau txheej nrab xwb, vim lawv yog cov muaj hnub nyoog thaum lawv mus txog As Mes Lis Kas teb lawm. Xyoo 2013, cov Hmoob As Mes Lis Kas 7 feem pua yog cov kawm tiav txheej siab thiab tau txais ntawv pov thawj. 40 feem pua yog cov thov tawm tsis kawm ntawv. 38 feem pua yog cov kawm tsis tiav qib siab. Cov poj niam kawm tiav qib siab kuj yog cov tsawg dua cov txiv neej. Qhov yuav sib sau Hmoob nyob ua ke thiab sib haum xeeb ua npoj, mas tseem muaj ntau yam nyuab thiab yuav siv sij hawm ntev.