Mias Mas teb qhib 200 lub tsev kawm ntawv tos txais cov me nyuam kawm ntawv neeg thoj nam

Hnub tim 1 lub 2 hlis 2021 no, muaj 200 tawm lub tsev kawm ntawv qhib txais cov neeg thoj nam tej me tub me nyuam mus kawm ntawv, nyob hauv lub caij muaj tus kab mob COVID-19 sib kis. Cov tsev kawm ntawv no yog qhib nyob hauv Demawso thiab Hyruso uas nyob hauv lub Cheeb Koom Txoos Loikaw.

Nyob hauv lub yeej thoj nam hauv Cheeb Koom Txoos Loikaw, mas tsoom pej xeem xav kom tau kev kawm ntaub kawm ntawv. Vim kev kawm raug kaw tag txij hnub tim 20 lub 5 hlis los lawm. Tab txawm nyob hauv cov yeej thoj nam tsis muaj kev kawm ntawv, tsis kav muaj tshaj 200 lub tsev kawm ntawv kuj qhib tos txais cov neeg thoj nam kom tau kawm ntawv nyob hauv lub xeev Karen uas zwm rau Cheeb Koom Txoos Loikaw. Cov ua xib hwb qhia ntawv nyob hauv yeej thoj nam, kuj yog cov tseem hwv uas muaj kev saib xyuas txog cov neeg thoj nam.

Raws Kantarawaddy Times hais, mas txhua txhua chav tsev muaj me nyuam kawm ntawv 50 leej, thiab feem coob yog cov kawm txheej qis. Cov xib hwb qhia ntawv feem coob kuj yog pib qhia ntawm lub hauv paus, xws li ntawv Mias Mas, ntawv Aas Kiv, xam phaj thiab cov me nyuam xeem lus. Lawv hais tias tsev kawm ntawv tau ua tej yam kev lom zem pub rau cov me nyuam, kom pab cawm cov me nyuam tej siab ntsws thiab tej qhov txhab. Cov tub rog Karen tiv thaiv kuj tau qhib ib tug program tshwj xeeb rau cov me nyuam kawm ntawv siv 1 lub hlis nyob hauv lub nroog Demawso.

Dhau ntawm 200 lub tsev kawm ntawv nyob hauv Demawso thiab Hyruso lawm, tseem muaj ntau lub tsev kawm ntawv nyob hauv lub nroog Loikaw, lub nroog Sas Dos thiab lub nroog Phab Xoos uas nyob hauv lub Cheeb Koom Txoos Loikaw thiab.