Narges Mohammadi tus tau txais lub txiaj Nobel ntawm kev thaj yeeb raug kaw hauv nkuaj

Narges Mohammadi lub txim yog hais txog txoj cai thiab kev thaj yeeb tom qab kev tshaj tawm txais lub txiaj. Cov kav xwm ntawm lub txiaj Nobel thov kom cov tseem hwv Is Laas tso tus neeg tau txais lub txiaj Nobel, vim nws yog tus yuav tsum mus txais lub txiaj. Raws li cov kav xwm xav mas cov tseem hwv Is Laas twb tau ntes nws 13 zaug lawm, thiab nws muaj kev txhaum 5 zaug. Lawv txiav txim kaw nws 31 xyoos thiab nplawm nws 154 nplawg. Lub 11 hlis tsaib no, nws raug txiav txim kaw nkuaj 10 xyoo. Ntawm nws tsev neeg, mas lawv hais tias lub txiaj Nobel no yog lub txiaj nto npe ntawm kev thaj yeeb xyoo 2023, uas Narges Mohammadi tau txais. Nws yog ib tug neeg Is Laas hnub nyoog 51 xyoos. 

Tus lwm thawj tswj ntawm kev txuag tib neeg kev ncaj ncees (DHRC) uas saib xyuas txog lub txiaj Nobel hais tias : qhov paj tshab no yog muab los qhuas rau Narges Mohammadi txoj kev muab siab rau. Nws txaus siab nkag nkuaj kom tau txuag cov poj niam thiab kev thaj yeeb ntawm tib neeg. Tsis tas li ntawd, nws tseem tiv kev caij tsuj nyob Is Laas teb thiab. 

Cov xwm no tawm nyob hauv ntawv xov xwm thawj phab hauv tsaib no hais txog Mahsa Amini txoj kev tuag, uas nws yog ib tug tub xov xwm thiab tsis pom zoo txog kev quab yuam ntawm tseem hwv. Tam sim no Narges Mohammadi tseem raug kaw nyob hauv nkuaj nyob Tehran. Nws txais lub txim kaw nkuaj 10 xyoo. Nws yog tus raug xaiv los txais qhov paj tshab Nobel ntawm tag nrho 305 leej neeg. Nws raug kaw lub 5 hlis xyoo 2015. Lub 10 hli xyoo 2023 no, nws yuav raug tso tawm hauv nkuaj thiab nws thov kom tseem hwv tso cov neeg raug txim txhua tus. 

Tab sis nws tseem tshuav lub txim raug ntes nyob hauv xyoo 2019, uas nws koom cov kab ke nco txog cov neeg khaj cai raug tua tuag.