NIAM NKAUJ NTSUAB 2019

Tus ntxhais As Fiv Kas Naj hu ua Xos Xis Npis Nis (Zozibini Tunzi) uas nws yog ntiaj teb tus niam nkauj ntsuab xyoo 2019. Nws lub mom niam nkauj ntsuab tsis tau hais txog qhov nws zoo nkauj, tab sis yog hais txog nws li peev xwm thiab nws lub hom phiaj.
Xos Xis Npis Nis hais tias : “Kuv yug los nyob hauv lub teb chaws uas muaj coob coob tus poj niam muaj lub ntsej muag zoo li kuv, daim tawv nqaij zoo li kuv, cov plaub hau zoo li kuv, sawv daws ntsia pom tias tsis zoo nkauj thiab tsis ntxim hlub. Tab sis kuv thov hais rau sawv daws tias : txij hnub no mus thov kom sawv daws tso tseg txoj kev xav zoo li ntawd tau lawm, kuv xav kom cov me nyuam yaus ntsia pom kuv lub ntsej muag, kuv xav kom lawv tau pom kiag kuv lub ntsej muag ntawm lawv tus kheej”. Cov lus teb ntawm 5 tug niam nkauj ntsuab kawg, mas Xos Xis Npis Nis yog tus hais cov lus teb tau zoo tshaj. Xos Xis Npis Nis hais tias : tas cov thawj coj nyob ntiaj teb tsim nyog yuav ua hauj lwm ntau tshaj no los pab kom lub ntiaj teb cov huab cua ntshiab huv, nws ntseeg tias tas sawv daws muaj feem cuam koom tes nrog daws kho ntiaj teb cov huab cua. Tsis hais cov me nyuam yaus, cov laus thiab cov hlob nrog rau cov tuam tsev tsim toob xib, sawv daws yuav tau sib koom tes daws kho ntiaj teb cov huab cua kom zoo tuaj. Thaum Xos Xis Npis Nis tseem yau thiab nws kawm nyob qib qis, mas nws tau kawm txog huab cua, nws paub tias lub ntiaj teb tab tom raug kev piam sij, cov hnub qub yuav raug lub ntiaj teb, tab sis txhua yam ntawd yog neeg xwb thiaj yuav ua kom lub ntiaj teb no tau nyob thaj yeeb. Thaum kev sib tw tshuav 3 tug niam nkauj ntsuab xwb, mas lawv tau muaj ib lo lus nug tias : “Yam dab tsi uas tsim nyog yuav qhia rau cov ntxhais hluas txheej tshiab nyem no ?” Xos Xis Npis Nis hais tias : “Qhov tseem ceeb uas tsim nyog qhia rau cov ntxhais hluas txheej tshiab nyem no, yog qhia kom lawv txawj ua tus coj, vim kev ua tus coj yog ib yam uas cov ntxhais hluas los yog cov poj niam poob qab deb heev. Tsis yog tias cov poj niam tsis muaj peev xwm, tab sis yog vim sawv daws tiv thaiv tias poj niam tsim nyog nyob qhov twg thiab ua tau li cas xwb. Kuv xav tias ; neeg yog ib yam tseem ceeb tshaj ntawm txhua yam uas muaj txoj sia, li ntawd tsim nyog cov poj niam yuav tsum muaj cai thiab qhia kom cov ntxhais hluas paub siv lawv lub peev xwm nyob hauv tej pawg neeg coob coob, kom lawv lub peev xwm txheem lawv tus kheej nyob ruaj khov”.

Tus txhais : Lis Maib, Zoo Tswv Zov Yaj