Npees Las Des teb yuav ntxiv dag zog rau kev tiv thaiv kev muag neeg

Cov tseem hwv thiab cov tiv kev muag neeg nyob Npees Las Des teb hais tias lub teb chaws yuav ntxiv dag zog los tiv thiab daws teeb meem kev muag neeg los sis ua luam neeg. Cov lus no yog tshaj tawm tom qab lub Leej Haum Kuj tus tiam lis mus tsham Npees Las Des teb.

Kev sib tham hais txog tiv kev ua luam muag neeg muaj ceem thiab nias tus neeg teeb tsa txoj cai heev kawg. Lawv pib ua hauj lwm tiv thaiv kev ua luam neeg ib zaug ntxiv, thiab yuav ua kom muaj kev tiv thaiv zoo hais txog kev ua luam neeg, yog los ntawm pab neeg Sukleash George Costa uas yog tus thawj coj. Cov lus no yog Caritas hais rau lub rooj ntawv xov xwm UCAN.

Costa hais tias raws li kev mus tsham Npees Las Des teb thiab kev nthuav tshawb xyuas ntawm nws uas yog tus tiam lis ntawm lub Leej Haum Kuj, tau muab kev ua luam muag neeg hauv lub teb chaws los ua qhov tseem ceeb tshaj.

Lub sij hawm sib tham txog cov teeb meem no nyob hauv lub nroog Dhaka uas yog lub caij kawg, Mullally hais tias kev ua luam muag neeg nyob hauv lub teb chaws yog los ntawm kev xav nrhiav nyiaj, yam li yuam neeg ua hauj lwm hnav, ua neeg thov khawv thiab ua niam ntiav. Txhua yam no yog kev txhawj xeeb tas nrho.

Qhov ntshai tshaj yog cov me nyuam ntxhais thiab cov poj niam uas raug quab yuam ua niam ntiav hla teb chaws kom tau nyiaj, feem ntau yog mus Is Ntias teb. Lub Leej Haum Kuj tus tiam lis sau cov lus no ua ntaub ntawv tseg huv si.

Nws hais tias cov me nyuam tub thiab me nyuam ntxhais tab tom poob nyob hauv txoj kev ua luam neeg no coob kawg. Tsoom pej xeem liam hais tias tej yam no yog los ntawm cov tseem hwv tsis muaj kev saib xyuas zoo.