NTES TUS THAWJ COJ UA LUAM TSHUAJ NEES NYOB KOS LIM

Kim Hyung-ryul yog tus thawj coj tsim thiab txais toob xib tuaj ntawm Nyab Laj teb tuaj. Nws yog tus yuav thiab muag. Thawj 6 lub hlis ua ntej hauv xyoo 2022, kev xa tshuaj mas tub ceev xwm khuav tau 11 feem pua ntau dua qhov qub. Cov tshuaj nees ntawd yog siv nyob hauv cov tub hluas hnub nyoog me ntau dua thiab.

Kwv yees 3 xyoos uas Kim Hyung-ryul ua luam tshuaj nees nyob Kos Lim Naj, yog ib tug neeg tseem ceeb nyob As Xias toob fab naj. Nws qhov chaw loj yog nyob Hom Cis Mees uas nyob nrug deb ntawm Kos Lim Naj li 3,000 km.

Txawm li cas kuj xij, hnub no Kim raug ntes xauv tes nyob hauv lub nroog Xes Us thiab tos txiav txim. Cov tub ceev xwm Kos Lim tau koom tes nrog cov tub ceev xwm Nyab Laj 3 xyoos kom tau nrhiav Kim ntes. Kim raug ntes hnub tim 17 lub 7 hli tag los, thiab raug xa rov mus Kos Lim hnub tim 19 raws li cov tub ceev xwm Kos Lim tshaj tawm.

Kim yog ib tug los pav ua luam tshuaj nees loj kawg nyob As Xias toob fab naj thiab nws txais tshuaj tuaj ntawm Nyab Laj teb tuaj. Xyoo 2018, nws pab neeg ua luam tau nyiaj li ntawm 5 plhom 400 txhiab  US dos las.