Ntshai tus kab mob COVID-19 rov sib kis, vim cov neeg mob nce siab heev nyob Is Ntias teb

Nyob Is Ntias teb rov muaj dua tus kab mob COVID-19 uas yog Omicron, thiab ua rau neeg muaj mob coob, ua rau cov pej xeem txhawj xeeb kawg. Tus kab mob COVID-19 nyuam qhuav pib ntaug zog tau 2-3 lub hlis no xwb.

Hais txog kev sib kis tus kab mob Omicron, mas kis tau sai heev. Nyob hauv ib hnub xwb twb muaj cov neeg sib kis mob coob li ntawm 179,723 leeg. Tau 6 lub hlis los lawm uas tsis pom muaj cov neeg mob coob cuag no. Tam sim no Is Ntias teb nkaug tshuaj Vaccine lawm 1 plhom 500 txhiab hwj. Tsoom pej xeem ntxhov siab txog kev xaiv tsa nyob hauv lub 2 hlis no, tsam ces tus kab mob yuav sib kis loj tshaj no.

Ntau lub hlis tag los, kev nkaug Vaccine tiv thaiv nyob Is Ntias teb tau nkaug tshuaj ntau kawg. Muaj cov neeg mus nkaug Vaccine tiv thaiv li ntawm 1 plhom 500 txhiab leej. Txawm li cas los xij, muaj tsoom pej xeem 46 plhom leej uas lawv tsuas tau nkaug thawj koob Vaccine xwb.

Tam sim cov kws tshuaj pib nkaug Vaccine koob 3 rau cov kws kho mob thiab rau cov neeg laus uas twb tau mob COVID-19 los lawm. Kev xaiv tsa nyob hauv Is Ntias teb (ECI), yuav muaj nyob hauv lub xeev Uttar Pradesh, Excrement, Khan, Punjabi thiab Manipur. Yuav muaj cov txheej txheem txij hnub tim 10 lub 2 hlis txog hnub tim 7 lub 3 hlis. Tsoom pej xeem txhawj xeeb txog kev tawm xaiv tsa yuav ua kom muaj tus kab mob sib kis ntxiv, xws li tsaib no tshwm sim nyob hauv lub xeev Npees Nkos sab hnub poob.