Nyab Laj ntes tus thawj coj ntawm lub Koom Haum tshawb fawb hluav taws xob

Ngo Thi To Nhien yog tus neeg tim 6 ntawm kev ua hauj lwm hais txog teeb meem txhua yam nyob ib puag ncig uas raug ntes nyob hauv 2 xyoos tag los. Ngo Thi To Nhien kuj yog tus thawj tswj ntawm lub Koom Haum tshawb fawb hais txog lub zog hluav taws xob, uas muaj qhov chaw ua hauj lwm nyob Hanio. Nws raug ntes hnub tim 15 lub 9 hlis raws kev tshaj tawm nyob As Xias toob fab naj.

Nhien yog ib tug kws tshawb fawb uas yav tag los tau ua hauj lwm nrog ntau lub Koom Haum ntawm cov teb chaws, nws kuj ua hauj lwm nrog ntiaj teb lub tuam txhab ceev nyiaj nyob Aws Los Pas, nrog lub Leej Haum Kuj thiab nrog As Xias lub tuam txhab. Nws tab tom ua cov hauj lwm raws cov hauj lwm ntawm Just Energy Transition Partnership (JETP) nyob Nyab Laj teb. Txoj hauj lwm G7 uas raug nyiaj li ntawm 15 txhiab plhom dos las, kom tau pab Nyab Laj teb tso tseg kev siv fossil. Thaum nws raug ntes, lub Leej Haum Kuj hais tias nws yog ib tug muaj kev paub txog lub zog hluav taws xob nyob Nyab Laj teb. Nws siv nws txoj kev txawj ntse mus koom cov hauj lwm nyob UNDP thiab ua cov hauj lwm pab tuav xam. 

Nws tus txiv hais rau AFP tias : kev soj ntsuam nws lub txim, mas yuav muaj rau lub lis piam tom ntej no. Khanh uas nws yog ib tug neeg txuag huab cua thiab lub zog hluav taws xob uas neeg ntiaj teb qhuas nws, nws tau txais qhov paj tshab Goldman txhua yam nyob ib puag ncig xyoo 2018. Nws raug kaw nyob hauv nkuaj yuav luag ib xyoos nws thiaj mam raug tso tawm thaum lub 5 hlis xyoo no. Nyab Laj teb muab siab rau yuav ua kom kev tso pa Carbon tsis muaj hlo li nyob hauv xyoo 2050.