Nyab Laj teb kaw tus neeg tim 5 nyob hauv 2 lub lis piam dhau los

Muaj ib tug tub tseev tsim Nyab Laj uas nws qhia txog txoj cai ntawv av rau tsoom pej xeem, ces nws raug ntes kaw thiab liam lub txim tias tiv cov tseem hwv. Nws yog tus neeg raug ntes kaw tim 5 nyob hauv 2 lub lis piam dhau los. Nyob hauv nws qhov Video, nws piav txog cov tub ceev xwm tuaj ntes cov pej xeem ua liaj ua teb nyob ntawm ntug nroog Hanoi xyoo 2020.

Cov tsev txiav txim kev tseev tsim nyob Nyab Laj teb thiab cov rau npe xaiv tsa Le Trong Hung, lawv raug txiav txim kaw nkuaj 5 xyoos thiab raug txwv tsis pub tawm mus kev deb 5 xyoos. Tus kws txoj cai Le Van Luan uas nws yog ib tug hauv 3 leeg kws txoj cai yog tus txiav txim, vim tias cov neeg raug ntes lawv tsis kam lees lawv txoj kev txhaum, lawv tiv lawv tus kheej.

Tsab ntawv xov xwm Hanoimoi hais tias : Hoos uas nws muaj 42 xyoos, nws raug txiav txim tias muaj txhaum, vim nws tau sau ntawv thiab ua Video qhia txog tej yam tiv cov tseem hwv Nyab Laj. Tej yam Hoos ua mas yog txw kom tsoom pej xeem ntxhov quav niab thiab xav nrhiav kev tiv cov tseem hwv.