Nyab Laj teb rais ua qhov chaw tsim tej toob xib tshiab hloov Suav teb nyob As Xias.

Raws kev tshuaj xwm ntawm ntiaj teb lub tuam txhab ceev nyiaj txiag GDP nyob Nyab Laj teb, pom tau tias vam meej li ntawm 7 feem pua nyob hauv xyoo no. Hais txog kev tsim tej toob xib tshiab nyob Suav teb, mas nyuam qhuav yog 3 feem pua xwb. Yog ib xyoos uas poob qis tshaj plaws suav txij xyoo 1990 los.

Zim txwv no cov teb chaws nyob As Xias feem ntau tab tom vam meej thiab loj hlob, tab sis tsuas muaj Nyab Laj teb xwb thiaj muaj peev xwm twv tau nrog Suav teb, hais txog cov tuam tsev tsim toob xib nyob ntiaj teb.

Kev ua tiav ntawm Nyab Laj teb feem ntau yog los ntawm txoj cai tiv tus kab mob COVID-19 uas zoo heev. Tsoom pej xeem vam meej thiab coob tuaj, ces ua rau tub zog muaj coob txaus yuav nrog lwm teb chaws sib tw. Kev kaw nroog ntau zaus nyob Suav teb ntawm tus kab mob COVID-19, uas rau fab kev tsim toob xib raug teeb meem thiab kev siv Technology ntawm kev lag luam poob qis. Yog thawj zaug nyob hauv 32 xyoos uas kev tsim toob xib nyob Suav teb poob qis hauv cov teb chaws As Xias toob fab naj.