OOS XAS XUS CIS LUB TXIM TSEEM MUAJ NTXIV MUS

(Asianews)

Friday, July 16, 2021

Kev soj ntsuam txog Oos Xas Xus Cis lub txim nyob Nes Pis Dos, kuj tseem muaj ntxiv mus. Tab txawm tias zim txwv no muaj tus kab mob COVID-19 sib kis thiab cov neeg tawm tsam muaj coob zuj zus tuaj, tsis kav lub tsev txiav txim tseem soj ntsuam Oos Xas Xus Cis lub txim tas zog.

Pab neeg kom Oos Xas Xus Cis hais tias Oos Xas Xus Cis tsis quav ntsej txog kev sib kis tus kab mob Coronavirus nyob hauv kev xaiv tsa xyoo 2020, thiab nws tsis kam lees txog kev txais cov tshuab xov tooj tsis raug cai tuaj txawv teb chaws tuaj. Yam li kev them nyiaj cov nqi ntawd yog xuas kub pauv thiab nyiag ua tej yam zais ntshis. Ces xav tias yog soj ntsuam tau tej ntawd muaj tseeb tiag, mas Oos Xas Xus Cis yuav raug txim kaw nkuaj li ntawm 10 xyoo.

Vim lub caij ntawd raws kev sau cim tseg, mas hais tias muaj cov neeg kis kab mob tshiab 2,969 leeg thiab yog ib zaug uas kis kab mob coob heev nyob hauv 2-3 lub hlis. Tam sim no cov nom thawj tub rog tau txwv tsis pub tsoom pej xeem mus noj mov nyob hauv cov tsev muag zaub mov noj, thiab kuj tseem yuav muaj kev txwv tej yam ntxiv mus.

Tam sim no nyob txhua txhia qhov chaw hauv Mias Mas teb tab tom ntxhov quav niab. Nyob nruab nrab hauv Mias Mas teb uas yog thaj tsam Sagaing, cov tub rog tau tua neeg tuag li ntawm 25 leeg. Cov pej xeem hais tias cov tub rog siv tsheb thauj tub rog tuaj txog hauv lawv zos, ces cia li xuas phom tua lawv. Tab sis cov thawj tub rog hais tias : cov tub rog tshuaj xwm thiab saib xyuas kev ruaj ntseg raws ciam teb, mas lawv raug neeg nyiag tua, ces cov tub rog thiaj tua. Cov neeg uas raug tua tuag, yog cov neeg nyiag tsim kev kub ntxhov thiab cov xav ntxeev lub teb chaws. Cov lus no tshaj tawm los ntawm Global New Light Of Myanmar.