Pab neeg tiv kev nyiag tsim kev kub ntxhov, pab cov me nyuam uas raug nyiag mus muag nyob tuam ceeb Dhaka

Tus me nyuam tub Siddique uas nws muaj 3 xyoos, nws raug neeg phem nyiag coj mus muag rau ib nkawm niam txiv tsis muaj me nyuam. Nws txiv zoo siab heev thaum muaj neeg pab tau nws dim los, tom qab 3 lub lis piam uas nws raug neeg nyiag mus lawm. Tus neeg nyiag thiab tus neeg yuav tus me nyuam puav leej raug ntes tas huv si. Kev nyiag me nyuam coj mus muag, mas kheev kheev muaj nyob Npees Las Des teb. Cov neeg His Ntus thiab cov Mawv Xis Lim, mas lawv hais tias kev muaj me nyuam yog ib qho zoo heev. Kev txais me nyuam tom tav, yog ib qho nrhiav nyuaj kawg nkaus. 

Pab tub rog Rapid Action Battalion (RAB) nyob Npees Las Des teb tau pab tus me nyuam 3 xyoos nyob hauv thaj tsam Gopalganj thiab coj tus me nyuam rov qab mus txog niam txiv yam kaj siab lug. Tus me nyuam tub ntawd raug nyiag hnub tim 26 lub 4 hlis, nyob Udyan. Tus tub sab nyiag me nyuam muab qab zib ntxias tus me nyuam, ces nws ntes tus me nyuam mus. 3 lub lis piam tom qab ntawd lawv mus nrhiav tau thiab coj rov qab los. Tus tub sab muaj 29 xyoos, hos nkawm niam txiv uas yuav tus me nyuam muaj 52 xyoos thiab 46 xyoo. 

Kev nyiag me nyuam nyob Npees Las Des teb tsis yog ib qho tshwm sim nyuab, vim cov tub sab yeej tab meeg nyiag yog cov niam cov txiv tsis pom. Ces cov ntawv xov xwm nyob Npees Las Des teb thawj phab thiaj pom hais txog kev nyiag me nyaum tawm ntau dua.