Pab neeg vam meej los sis cov Thaib hu ua pab Kauj Naj yog pab yeej kev pov ntawv xaiv los ntawm tsoom pej xeem Thaib

Pab neeg vam meej los sis cov Thaib hu ua pab Kauj Naj yog pab yeej kev pov ntawv xaiv los ntawm tsoom pej xeem Thaib, thiab muaj kev pib tawm tsam nyob hauv xyoo 2020. Yawg Pita Limjaroenrat ua tus thawj coj pab nom uas yeej kev xaiv tsa thiab tau rooj zaum ntau tshaj plaws. Thiab muaj pab Pheu Thai yog pab tau tim 2 ntawm cov neeg pov ntawv xaiv tsa 80 feem pua. Nws qhia tau tias cov neeg xaiv tsa tso siab rau cov tub ntxhais hluas coj los tiv thaiv kev ua tub rog. Qee leej neeg soj ntsuam tau hais tias : lub pwm tsav yuav tsis tawm tsam txog kev xaiv tsa. 

Kev xaiv tsa zaum kawg nkaus no, tsoom pej xeem Thaib tsis nyiam cov tseem hwv tub rog uas lawv kav teb chaws los yuav luag muaj 10 xyoo. Ua kom pom txog kev tshais ruam mus tom ntej. Yawg Tipa Limjaroenrat uas nws muaj 42 xyoo, nws yog tus coj pab nom Kao Klai Pheu Thai uas tau 151 lub rooj zaum ntawm tas 500 lub rooj zaum nyob hauv lub pwm tsav, thiab tau 14 plhom lub suab. Hos pab tim 2 yog pab Pheu Thai uas lawv tau 141 lub rooj zaum thiab tau 10 plhom lub suab. 

Muaj ob pab nom tiv cov tseem hwv hais tias : lawv yuav nrhiav neeg los sib koom tes tiv cov uas saib xyuas thiab cov uas lawv txhawb nqa huab tais. Pab Phumchai Thai lawv tau 71 lub rooj zaum, hos pab Palang Pracharat uas lawv tuaj tus thawj pwm tsav Prayut Chanocha tog, lawv tau 40 lub rooj zaum. Pab Ruam Thai Sang Chart uas yog pab nyuam qhuav teeb tsa tom qab no, lawv tau 36 lub rooj zaum. 

Xyoo 2020 thiab 2021, muaj kev tawm tsam ntiab tus thawj pwm tsav Prayut Chanocha kom tawm mus. Tab sis lub caij ntawd cov neeg tawm tsam coob leej lawv tseem tsis tau loj txaus, thiab lawv thov kom muaj kev daws kho txoj cai hais txog tsev neeg vaj thiab rhuav tshem txoj cai thuam vaj. Vim txoj cai ntawd muaj lub txim kaw nkuaj li 15 xyoos.