Pas Kis Taas tsis lees lub txim uas cov tseem hwv ua rau cov Kav Tos Liv

Cov tseem hwv Pas Kis Taas liam txim rau CSJ uas tau hais lus txw kom tiv cov tseem hwv. Lawv xa tsab ntawv ntawd mus rau lub Leej Haum Kuj thaum lub 7 hli, kom rov qab soj ntsuam thiab thim xav. Kev soj ntsuam lub txim zaum 4 ntawm Pas Kis Taas yog teem caij rau lub 1 hlis thiab 2 hlis xyoo 2023, nyob hauv lub nroog Ntses Nis Vas teb chaws Xus Is (Switzerland).

Tsab ntawv xov xwm Daily Jang hauv lub teb chaws tshaj tawm hnub tim 21 lub 8 hli, hais tias CSJ tsis nyob hauv kev ncaj ncees thiab qhov tseeb, ces yog lawv hla tseem hwv Pas Kis Taas txoj cai. Txawm li cas kuj xij, Peter Jacob uas yog tus thawj ntawm CSJ tsis kam lees lub txim thiab nws hais tias kev liam txim li no ua kom pom txog qhov tseeb ntawm kev thaj yeeb thiab kev teev hawm nyob Pas Kis Taas. Vim nyob hauv kev liam tau hais txog thuam kev teev hawm thiab quab yuam kom hloov siab. Tsis tas li ntawd kev teeb tsa cov kav xwm rau cov haiv neeg tsawg khiav qeeb kawg.

Cov koom haum pej xeem tau tshaj tawm lawv txoj kev txhawb nqa tag nrho rau CSJ thaum lub 8 hli tim 22, thiab cov kav xwm pej xeem txoj cai (JACPR) nyob hauv lub nroog Lab Hos, uas yog qhov chaw loj ntawm cov pab pawg neeg 37 lub koom haum. Lawv tau hais ntau nqe lus tias ntau yam teeb meem muaj nyob hauv CSJ tsab ntawv ceeb toom. Muaj kev sib tuav xam nyob hauv tsev txiav txim nrog tseem hwv cov neeg thiab nrog cov tub xov xwm txawv teb chaws.