PHUKET ROV QHIB TOS TXAIS IB TSOOM NEEG NCIG TSHAM TEB CHAWS

Kev ncig tsham teb chaws, yog ib qho ua rau Thaib teb tau nyiaj ntau plhom npaj. Tsaib no muaj tus kab mob COVID-19 sib kis, ces raug ncua tsis pub neeg ncig tsham lawm, vim tseem hwv muaj txoj cai nruj nruj. Thiaj ua rau tsoom pej xeem Thaib ntau caum txhiab leej raug teeb meem loj kawg. Tab sis hnub tim 1 lub 7 hlis 2021 no, cov tseem hwv Thaib rov qhib kev rau ib tsoom neeg ncig tsham teb chaws tau tuaj mus ncig tsham lub xeev Phuket yam ywj siab thiab tsis raug txwv kaw tus kheej. Yog thawj zaug uas tseem hwv Thaib tso kev li ntawd txij thaum muaj tus kab mob COVID-19 tsaib no los.

Qhov uas Sandbox yog hloov lub xeev Phuket ua qhov chaw sim tas txhua yam ntawm ib tsoom neeg ncig tsham teb chaws. Yog tias kev sim zaum no tiav, mas yuav qhib lwm qhov chaw rau cov neeg ncig tsham teb chaws tau ncig tsham thiab.

Vim kev txwv thiab muaj txoj cai nruj nruj, ua rau cov neeg Thaib nrhiav noj ntawm kev ncig tsham teb chaws tsis pom qab nrhiav noj. Tseem hwv Thaib lub tswv yim no yog qhov chaw cia siab ntawm cov neeg Phuket, vim yuav ua rau lawv txoj kev nrhiav noj rov zoo tuaj.

Phuket kuj zoo ib yam li As Xias toob fab naj, feem ntau kuj tsis ua kom cov neeg ncig tsham teb chaws tuaj yooj yim, vim muaj ntau txoj cai tshiab thiab yog tej txoj cai nruj nruj. Kev sib kis kab mob xyoo tag los thiab xyoo no, ua kom ntau lub khw raug kaw thiab kev ncig tsham teb chaws tu nrho, ua rau cov tub zog txhim vaj txhim tsev ploj lawm ntau txhiab leej thiab lawv tsis tuaj yeem them nuj nqis tau.

Qee leej tau tag txoj sia, qee leej tsis muaj kev khwv nyiaj ntxiv, ces sawv daws poob nyob hauv txoj kev txom nyem.