RAU XYOO NTAWM COV I.S. KAV LUB NROOG MOS XUS

Tom qab 6 xyoos uas cov IS kav Mos Xus, mas cov neeg ntseeg muaj kev cia siab tias lawv yuav rov qab tau nyob thaj yeeb. Lub lis piam tag los tus Tswv Qhia nyob Mos Xus thiab cov Mawv Xis Lim nrog rau cov thawj coj ntawm cov haiv neeg tau mus saib lub tsev teev hawm Al-Nouri thiab lub tsev teev Ntuj Al-Saea nyob hauv lub qub nroog. Yog 2 lub tsev teev Ntuj uas Txiv Plig Paj Lug tau thov tseg rau cov neeg uas khiav lawm rov qab los siv. Lub tsev teev Ntuj thiab tsev teev hawm ntawd yuav raug hloov dua tus yam ntxwv tshiab. Cov neeg ntseeg yuav ua tim khawv tias : lawv tsis tau tso lub nroog pov tseg thiab yuav rov ua kom 2 lub tsev teev hawm ntawd rov tshwm sim dua tshiab. Kev txhim kho 2 lub tsev teev hawm ntawd, mas vam tias sawv daws yuav tau kev teev hawm ywj siab thiab nqua hu kom cov neeg ntseeg rov qab los sib sau ua ke. 2 lub tsev teev hawm ntawd, ib lub yog cov Mawv Xis Lim hos ib lub yog cov neeg ntseeg Ntuj. Yog 2 lub cim tias kev teev hawm rov qab sawv nyob hauv lub nroog Mos Xus lawm. Kev txhim kho 2 lub tsev teev hawm no yog tau txais kev pab los ntawm UNESCO thiab cov teb chaws nyob As Mis Lem txoj kev pab hu ua : “Rov txhim kho Mos Xus tej siab ntsws.”