SIB KOOM SIAB TIV KEV TSIS NCAJ NCEES THIAB TXHIM KHO KEV THAJ YEEB

Friday, December 04, 2020

Txhua txhua xyoo muaj cov nyiaj xiab qab rooj li ntawm 1 plhom plhom US dos las thiab cov nyiaj uas raug neeg nyiag noj li ntawm 2.6 plhom plhom US dos las. Muab xam los mas cov nyiaj xiab thiab raug nyiag noj ntawd muaj tshaj 5 feem pua nyob hauv GDP thoob ntiaj teb. Nyob hauv cov teb chaws vam meej thiab lub Leej Haum Kuj tej nyiaj txiag raug neeg nyiag noj lawm 10 npaug ntau tshaj cov nyiaj ua lub Leej Haum Kuj niaj xyoo siv los pab cov neeg txom nyem.

Kev nyiag noj nyiaj yog ib yam kev phem uas txaus ntshai tshaj, vim nws yog kev piam sij rau tej kev lag luam thiab kev sib haum xeeb ntawm tej pab pawg neeg. Ces txhua lub teb chaws thiab txhua pab pawg neeg puav leej ceej faj thiab ntshai txog txoj kev nyiag noj nyiaj. Kev nyiag noj nyiaj no zoo li tus kab mob uas kis loj kawg nyob rau lub caij tus kab mob Covid-19 tab tom kis thoob ntiaj teb, ces tus kab mob Covid-19 thiab kev nyiag noj nyiaj ua rau tib neeg tau txais kev kub ntxhov loj kawg, yam li kev tuag, kev tshaib nqhis thiab ntau plhom leej neeg tsis muaj vaj tse nyob. Lub caij uas muaj kab mob sib kis no, ua rau txhua lub teb chaws siv nyiaj ntau kawg los tiv thaiv thiab pab tsoom pej xeem txoj kev noj qab haus huv, thiab npaj tos txais kev piam sij ntawm tej kev lag luam nyob ntiaj teb. Tus kab mob Covid-19 sib kis, kuj yog ib lub zoo sij hawm ntawm kev nyiag noj nyiaj. Vim li ntawd lub hom phiaj ntawm xyoo 2020 no, thiaj hais txog kev sib pab tiv thaiv tus kab mob Covid-19 thiab kev ncaj ncees.