Suav qhuas txog kev txawj ntse tsim tawm thiab siv nws los txwv kev ywj pheej thiab kev tsim txom kev hla txoj cai

Nyob hauv ntiaj teb lub rooj sab laj kev tsim tawm (WAIC) nyob Saas Hais, cov tseem hwv Suav qhuas txog kev vam meej ntawm Suav, vim kev vam meej yam tsis tu ncua yog txiaj ntsim qab hau ntawm tas ib tsoom neeg. 

Txawm li ntawd tsis kav Technology no kuj siv rau cov tawm tsam thiab cov xyav moo huv si. Muaj 2 tug neeg ntseeg raug ntes kaw nkuaj, vim nkawd cov lus sau nyob hauv Wechat thiab 4 tug nrog lwm cov neeg ntseeg kuj raug ntes kaw los ntawm lub txim ua luam txhaum kev cai.

Suav tab tom vam meej heev nyob hauv fab kev tsim tawm (AI) thiab cov Technology tshiab, ces yuav ua rau tseem hwv Suav tuaj yeem kav tau tas tsoom pej xeem nyob thoob teb chaws, pab txwv kev ywj pheej thiab kev hla txoj cai.

Nyob hauv cov kab lus ntev ntev ntawm Global Times, yog cov ntawv luam tawm ntawm People’s Daily qhuas txog kev txhim kho AI nyob hauv Suav teb. Yog qhov tau txais lub zog txhawb nqa, tab txawm tseem hwv As Mes Lis Kas tawm tsam npaum cas hais txog kev faib Technology. 

Cov lus no raug nthuav tawm nyob hauv tib hnub li cov tshwm nyob Saas Hais thiab, Saas Hais yog lub nroog kev lag luam ntawm Suav thiab yog tswv cuab ntawm lub rooj sab laj hais txog ntiaj teb kev tsim tawm (WAIC).

Cov tub txawg tub ntse thiab cov neeg ua lag luam paub zoo tias : Suav muaj txoj kev yuav ua mus thiab txhim kho kom Technology vam meej, ces lawv ntseeg tias tas txhia yam yuav tsum ua kom tiav raws Global Times hais nyob hauv lub rooj sab laj WAIC xyoo no. 

Raws kev tshaj tawm ntawm Global AI Innovation Index Report hauv xyoo 2022 uas tshaj tawm nyob hauv WAIC, Suav teb yog tim 2 nyob hauv Global AI Innovation Index 3 xyoos. Pom tias nov yog kev txhawb nqa thiab kev vam meej ntawm Technology ntau zuj zus. 

Txawm tias xyoo no cov neeg thuam hais tias lub rooj sib tham tsis muaj qhov tseem ceeb, feem ntau cov neeg thuam yog cov tuaj ntawm As Mes Lis Kas teb tuaj, tab sis Global Times hais tias muaj lwm cov Koom Haum tuaj sib koom coob kawg yam tsis tau muaj los dua. Tab txawm cog lus tias yuav txhawb nqa kev txhim kho thiab kev vam meej, tsis kav Suav kuj tseem siv tej Technology tshiab xws li AI, coj los pab kev cheb ntxuav nyob hauv lub teb chaws. Ib yam li kev rau npe nyob hauv Online ntawm cov Txiv Plig, cov neeg ntseeg thiab lwm cov kev teev hawm, mas pom tau tias yog kev txwv. Qhov piv txwv kawg uas tshwm sim nyob hauv hnub tim 28 lub 6 hli, mas yog 2 tug neeg ntseeg Mu En thiab Enoch Wang nkawd raug txiav txim tias nkawd ua tsis ncaj, ces Mu En raug kaw nkuaj 3 xyoos ntau thiab nplua nyiaj 8,000 dos las. Hos Enoch Wang raug kaw nkuaj 3 xyoos thiab nplua 7,000 dos las. 

Nkawd raug lub txim los ntawm kev siv txoj cai nyiag rub cov lus uas tso tawm nyob hauv Wechat uas yog siv Technology, nws muaj npe thiab muaj nyiaj ua peev nyob hauv 5 xyoos dhau los, los ntawm pawg tub ntxhais hluas neeg ntseeg.