Thaib teb pib nkaug tshuaj Vaccine Covid-19

Thaib teb pib nkaug tshuaj Vaccine rau tsoom pej xeem, vim tsoom pej xeem tos Vaccine los ntev lawm. Thaib teb rov raug tus kab mob Covid-19 sib kis zaum 3 thiab sab kawg nkaus. Tas tsoom pej xeem Thaib 66 plhom leej, mas 70 feem pua yuav tsum tau nkaug tshuaj Vaccine tsis pub dhau lub xyoo no.

Cov nom tswv Thaib hais tias : tseem hwv yuav muab siab rau saib xyuas kom tsoom pej xeem tau txais Vaccine txhua tus raws li tus thawj pwm tsav Prayut Chanocha hais tseg. Tam sim no nyob Thaib teb tsuas muaj 2.8 plhom tus neeg tau txais los sis nkaug tshuaj Vaccine xwb, xws li cov kws kho mob thiab cov tub tseem hwv ua hauj lwm nyob hauv lub rooj pwm tsav khiav tsheb thiab lawv tsuas yog tau txais thawj zaug xwb, tseem tshuav lwm 2. Tsaib no Thaib teb tsis raug tus kab mob COVID-19 loj pes tsawg thiab tiv txog lwm cov teb chaws uas raug tus kab mob, tab sis xyoo no Thaib teb tab tom raug tus kab mob loj kawg, ua rau tsoom pej xeem Thaib tau txais kev kub ntxhov loj heev. Tam sim no Thaib teb muaj cov neeg kis tus kab mob COVID-19 li ntawm 2 puas tawm txhiab leej thiab tuag lawm 1,500 tawm leej. Lub hlis no Thaib teb tau txais cov tshuaj Vaccine tiv thaiv AstraZeneca 1.8 plhom hwj thiab tseem tau nrhiav tshuaj Vaccine ntawm Kos Lim Naj li ntawm 200,000 hwj thiab.