THAIB TEB QHIB KEV RAU COV KHW THIAB TSEV MUAG ZAUB MOV NOJ VIM XAV TXHAWB NQA KEV LAG LUAM

(The edge newss)

Monday, September 13, 2021

Txij hnub tim 1 lub 9 hlis no, Thaib teb pib tso cai rau cov khw thiab cov tsev muab txhiam xws noj kom lawv qhib muag rau tsoom pej xeem, thiab kheev tsoom pej xeem sib sau nyob ua ke tsis pub dhau 25 leeg.

Cov tseem hwv Thaib pom tias : kev daws txoj cai kav tus kab mob COVID-19 kom xoob me ntsis, mas yog qhov tseem ceeb uas yuav pab kev lag luam kom nyob taus. Ces hnub tim 1 lub 9 hlis no, cov tuam khw, cov tsev ua zoo nkauj, cov tsev txiav plaub hau, cov tsev zuaj ib ce thiab cov tshav ncaws pob nyob hauv 29 lub xeev uas muaj kab mob loj nrog rau tuam ceeb Bangkok, mas tso cai kom sawv daws rov qab qhib tau lawv tej tsev ua lag luam. Hauv cov tsev muag zaub mov noj, los tib neeg kuj tuaj yeem zaum tau noj mov ua ke.

Cov tseem hwv thov kom cov tswv tsev muag txhiam xws noj soj ntsuam txog lawv cov neeg ua hauj lwm seb puas tau nkaug Vaccine txwm raws li txoj cai, thiab thov kom cov neeg tuaj yuav, tuaj noj mov thau lawv daim ntawv nkaug Vaccine los ua pov thawj. Tus kab mob COVID-19 uas tam sim no sib kis loj nyob Thaib teb, yog tus kab mob Virus Delta. Ua rau lub 8 hli tag los no muaj cov neeg mob COVID-19 tuag coob kawg. Tam sim no cov tseem hwv Thaib muab siab rau tiv thaiv hais txog tus kab mob thiab hloov dua kev tiv thaiv kom muaj kev cia siab txog kev txhawb nqa kev lag luam kom txhob muaj teeb meem. Tam sim no Thaib teb muaj cov neeg mob COVID-19, 1,352,953 leej thiab tuag 13,920 leej.