THAIB TEB ZOO SIAB TXAIS TEJ YAM RAUG TUB SAB NYIAG ROV LOS

Friday, June 11, 2021

Nyob hauv lis piam tas los, rooj xov xwm indiantoday tshaj tawm tias Thaib teb ua hmoov tos txais 2 yam toob xib qub qub uas yog neeg xuas tes txaug rov los.

10 tawm xyoo tag los, muaj neeg ua tub sab nyiag Thaib 2 lub pob zeb xuas tes txaug ntawd mus rau As Mes Lis Kas teb lawm. 2 lub pob zeb ntawd yog pob zeb txaug zoo nkauj heev thiab hnyav li 680 kg. Muaj neeg coj mus muag thiab tso tawm nyob hauv As Mes Lis Kas ib lub tsev khaws tej yam qub qub thiab muaj nqis nyob San Francisco.

Xyoo 2017 tseem hwv Thaib twb tau ceeb toom mus rau cov tseem hwv As Mes Lis Kas paub lawm tias muaj 2 lub pob zeb txaug muaj nqis nyob Thaib teb raug tub sab nyiag lawm. Vim li ntawd, cov tseem hwv As Mes Lis Kas thiaj muab 2 lub pob zeb muaj nqis ntawd xa rov rau Thaib teb. 2 lub pob zeb txaug ntawd, yav tag los nyob hauv 2 thaj chaw teev hawm nyob toob fab naj hauv Thaib teb. Ces cov tseem hwv Thaib vam tias yuav muab 2 lub pob zeb txaug ntawd xa rov mus nyob qhov chaw qub.

Add new comment

4 + 1 =

Quick Links