THAIS PES XA KEV PAB TIV THAIV COVID-19 MUS RAU DES LIS

Cov tseem hwv Thais Vas tau xa cov tshuab pab rau pa thiab ntau yam toob xib uas yog cov kws tshuaj siv mus rau lub nroog Des Lis nyob Is Ntias teb. Vim tias zim txwv no Is Ntias teb tab tom raug tus kab mob Covid-19 heev zuj zus. Thawj fij ntawm tseem hwv Thais Vas kev pab, yuav raug xa mus Is Ntias teb lub lis piam no. Is Ntias teb muaj kev sib kis kab mob heev tshaj lwm cov teb chaws, ib hnub muaj txog 350,000 tus neeg kis tus kab mob Covid-19. 
Tsao hais tias kev sib raug zoo ntawm lub pov txwv thiab Des Lis, yog kev phooj ywg zoo uas muaj kev vaj huam sib luag ib yam li Thais Pes. 2 lub lis piam tag los, cov tub tseem hwv ntawm Narendra Modi tau mus faib Vaccine tiv thaiv 100,000 fwj rau Pas Las Nkes, vim tau txais kev pab tuaj ntawm Thais Vas teb. Cov tseem hwv Suav kuj tau cev lus hais txog kev pab Is Ntias teb ib yam nkaus. Cov tseem hwv Suav koom tes nrog cov tuam tsev tsim tshuaj Vaccine tshawb nrhiav Vaccine xa mus rau Des Lis. As Mes Lis Kas teb, Pas Kis Taas teb, His Xas Lais teb, Fab Kis teb thiab Zes Mas Nias teb, kuj muaj kev txhawb nqa ib yam nkaus.