Thais Vas thiab Nyab Laj sib cav txog ciam dej hiav txwv nyob Suav naj fab

Lub pov txwv Thais Pees uas yog ib feem ntawm cov pov txwv Spratly raug 2 lub teb chaws sib txeeb xws li Suav teb thiab Fis Lis Pees teb sib txeeb. Nyab Laj tsis txaus siab rau tseem hwv Thais Vas txoj kev siv muas txwv tiag tiag los xyaum tub rog nyob ib ncig lub pov txwv Thais Pees. Nyab Laj kheev kheev nrog tseem hwv Suav sib cav txog kev kav ciam dej hiav txwv Suav naj fab.

Thais Vas thiab Nyab Laj tsis kam lees txog qhov nyias khav nyias ua tswv kav ciam dej nyob Suav naj fab, vim cov hauj lwm uas 2 lub teb chaws ua yog hla txoj cai lawm. Thaum ua tej yam hla txoj cai, mas tus twg los tsis kam lees ua tus tswv. Lub pov txwv me me ntawd ib feem yog cov pov txwv Spratly uas Thais Vas hu ua Thais Pees, hos Nyab Laj hu ua Is Tus As Npas. Lub pov txwv no yog nyob hauv ciam dej hiav txwv Suav naj fab, cov teb chaws nyob npuas ciam ntau lub sib txeeb ua tus kav. Tab sis qhov tiag Suav av loj kav yuav luag tas lub pov txwv.

Tseem hwv Thais Vas tsis txaus siab rau tseem hwv Nyab Laj cov lus xyav moo thiab hais ntau yam txog, vim ua ntej no Thais Vas tau xyaum tub rog nyob ze ib ncig ntawm lub pov txwv. Nyab Laj liam tias Thais Vas ua txhaum txoj cai lawm. Tab sis cov hauj lwm ua nyob hauv lub pov txwv feem ntau yog Thais Vas li thiab muaj Thais Vas cov neeg zov ntug hiav txwv. Thais Vas tseem saib xyuas lub pov txwv Pratas los yog Dongsha uas nyob hauv lub hiav txwv Suav naj fab thiab.