Tsab ntawv tshaj tawm tshiab qhia txog qhov xwm txheej tsis zoo ntawm cov neeg sawv pej xeem cev, uas poob nyob hauv txoj kev pheej hmoo hauv cov teb chaws As Xias toob fab naj.

Cov nom sawv pej xeem cev nyob As Xias toob fab naj ntsib kev ntxhov thiab pheej hmoo, vim lawv siv tus kheej lub hwj chim thiab tawm tswv yim nyob hauv kev tseev tsim. 

Raws li daim ntawv tshaj tawm xyoo dhau los hauv Parliamentarians At Risk los ntawm ASEAN cov nom sawv pej xeem cev kev ncaj ncees (APHR), qhib nyob hauv lub lis piam no, nyob Jakarta.

Kev pheej hmoo uas heev zuj zus ntawm lub cev thiab lwm yam uas cov nom sawv pej xeem cev tab tom raug, mas yog qhov lees txais tsis tau thiab yog qhov ntxhov siab kawg. Mercy Barends tus nom sawv pej xeem cev nyob Is Ntos Nes Xias thiab tus thawj tswj APHR hais tawm. Pab pawg thov kom ASEAN thiab cov teb chaws hauv ASEAN “Muaj kev tiv thaiv txaus rau lub pwm tsav thiab quab yuam kom cov teb chaws uas lawv hiam txog lwm cov tsis ncaj ncees”. 

Daim ntawv tshaj tawm tshiab tau hais tias : xyoo 2022 muaj "kev xav phem dua rau cov nom sawv pej xeem cev "tshwj xeeb yog cov nyob Myanmar teb”. 

Vim cov nom sawv pej xeem cev yuav tsum ntsib teeb meem thiab kev phom sij heev zuj zus, tom qab hnub tim 1 lub 2 hlis xyoo 2021 uas yog hnub cov tub rog txeeb kav teb chaws nyob Myanmar. 

Cov nom sawv pej xeem cev nyob thoob As Xias toob fab naj raug ntes li ntawm 85 leeg, muaj 84 leeg yog nyob Myanmar teb, thiab ib tug qub nom sawv pej xeem cev hu ua Leila de Lima uas nyob Fis Lis Pees teb. 

Tsab ntawv tshaj tias : dhau ntawm Myanmar teb lawm, xws li Khas Phus Chas, Mas Les Xias, Fis Lis Pees thiab Thaib teb, cov plaub ntug tsim txom lub cev nqaij kuj tsis tshua muaj tshwm sim. Tab sis tseem hwv kheev kheev liam txim txog cov tub tseev tsim thiab cov nom sawv pej xeem cev uas lawv yog tog tiv tseem hwv.