Tseem hwv Thaib npaj kaw lub tshav tsheb nqaj hlau Hua Lamphong

Bangkok’s Hua Lampong railway station to shut down (Kawsod photo).jpg

Monday, December 06, 2021

Lub neej nyob hauv lub tshav tsheb nqaj hlau Hua Lamphong tab tom yuav raug kaw. Lub tshav tsheb nqaj hlau Hua Lamphong yog lub tshav tsheb nqaj hlau loj thiab tseem ceeb nyob hauv tuam ceeb Bangkok. Lub tshav tsheb nqaj hlau no pib txhim xyoo 1910 txog 1916, yog lub caij tus vaj ntxwv Thaib tim 6 kav teb chaws.

Lub hom phiaj ntawm lub tshav tsheb nqaj hlau no, yog txhawb nqa luam tuam ceeb Bangkok kom vam meej xws li lwm lub tuam ceeb nyob As Xias teb. Thiab pab txhim kho lub teb chaws kom muaj kev vam meej raws txheej tshiab.

Tag lub xyoo 2021 no, cov tseem hwv Thaib yuav muab lub tshav tsheb nqaj hlau Hua Lamphong kaw tseg, vim muaj dua ib lub tshav tsheb nqaj hlua tshiab uas yog Bang Sue loj dua lub qub. Ces cov neeg ua lag ua luam nyob ntawm lub tshav tsheb nqaj hlau qub raug tso tseg, vim lawv tsis muaj kev nrhiav noj ntxiv.

Cov tsheb nqaj hlau Thaib raug teeb meem los ntawm peev nyiaj txiag tsis txaus, thiab cov thawj coj tsis muab siab rau thiab kev sib txuas ntawm cov kev tsheb txawv teb chaws nqaim, xws li tsuas muaj kev tsheb nqaj hlau khiav ntawm Thaib teb mus rau Mas Les Xias xaus rau Xees Cas Pos teb xwb. Tab sis qhov yuav mus txog Los Tsuas teb thiab Suav teb tseem nyuab heev. Lub tshav tsheb nqaj hlau Hua Lamphong raug khaws cia qhov chaw saib qub qub lawm xwb, tsuas muaj lub puav tsheb nqaj hlau khiav los so lawm xwb. Vim lub tshav tsheb nqaj hlau tshiab Bang Sue yuav yog lub tshav tsheb nqaj hlau tshiab thiab muaj tsheb nqaj hlau khiav mus mus rau ntau qhov chaw thiab txawv teb chaws. Yuav muaj cov tsheb nqaj hlau txheej tshiab zoo nkauj thiab khiav ceev los siv.