TSEEM HWV THAIB TSO CAI QHIB CHAV TWV TXIAJ NYOB THAIB TEB

Lub 12 hlis tas los no, tseem hwv Thaib hais tias lawv yuav tsa cov pawg neeg li 60 leej los tawm tswv yim hais txog qhib chav twv txiaj nyob hauv lub teb chaws. Lis piam tas los, tseem hwv tau muaj ntawv pom zoo lawm.

Lub tswv yim qhib chav twv txiaj yam raug cai no yog tseem hwv lub tswv yim, tsis kav ntau thaj tsam muaj kev lag luam pom tias yam no yuav pab kev lag luam kom rov sawv taus thiab yam no yuav pab kom muaj cov tub ncig tsham txawv teb chaws tuaj rau teb chaws Thaib coob tuaj.

Vim muaj lus tsis pom zoo tuaj ntawm cov neeg ua hauj lwm fab kev teev hawm thiab kev tsim txiaj ces tseem hwv thiaj ncua los txog tav no.

Hais txog cov pej xeem Thaib feem ntau los lawv kuj tsis pom zoo rau qhib chav twv txiaj vim yuav muaj teeb meem cuam tshuam rau lawv tej zeg zog, xws li lawv ntshai tsam muaj kev lwg noj lwg haus, kev coj nyiaj txhaum cai tuaj ntxuav kom raug cai, thiab luam neeg.