TSOOM PEJ XEEM MIAS MAS YUAV ROV POV NTAWV XAIV TSA OOS XAS XUS CIS UA NOM NTXIV

Tsoom pej xeem Mias Mas (Myanmar) rov pov ntawv rau pab nom NLD ua nom kav Mias Mas teb, vim pab nom NLD xam pom tias muaj qee yam lawv ua tsis tau raws li lawv cov lus hais tseg. Cov lus no yog Lawrence Mung uas nws yog ib tug neeg ntseeg Kav Tos Liv hais. Nws hais tias ntau xyoo los no, cov tseem hwv txoj hauj lwm yuav ua kom kev sib ntaus rog nyob hauv lub xeev Yab Khaim tiaj tus tsis tiav, vim cov tseem hwv tsis tau ua kom cov haiv neeg tsawg uas lawv tiv cov tseem hwv tig los nrog tseem hwv sib haum xeeb,thiab tsis tau daws cov teeb meem ntawm cov Los Hees Yas uas khiav ua thoj nam.

Oos Xas Xus Cis yog ib tug uas tau txais lub txiaj Nos Npes ntawm kev thaj  yeeb, nws yog tus pwm tsav tuav xam ntawm cov tseem hwv Mias Mas, nws lub meej mom loj tshaj tus Txoov Tim Tswv. Hnub no Oos Xas Xus Cis tseem ceeb dua yav tag los, vim pab nom NLD vam txog Oos Xas Xus Cis tib leeg xwb. Kev ua nom zaum ob no yuav ua rau Oos Xas Xus Cis lub zog loj dua qub.

Hais txog Lawrence Mung yog tias nws nkag ua ib tug tub tseev tsim, mas tus nom uas tsim nyog rau nws yog ib tug pwm tsav. Nws muaj peev xwm yuav tsim kev thaj yeeb thiab nrog cov haiv neeg tsawg sib hais haum ntawm pab Tatmadaw thiab cov tub rog Mias Mas. Nyob rau hauv kev xaiv tsa, mas yuav muaj kev saib xyuas kev ruaj ntseg kom nruj thiab muaj kev tiv thaiv tus kab mob Covid-19 kom zoo hauj sim. Yuav tsis muaj kev ua tsis ncaj ncees nyob hauv hnub xaiv tsa, thiab suav cov suab kom raws cai nyob thoob plaws lub teb chaws. Hais txog lwm pab tub tseev tsim, mas yuav tau xyuam xim hais txog kev nrhiav suab. Hos pab nom NLD uas yog Oos Xas Xus Cis pab, mas lawv tuaj yeem sau npe rau tsoom pej xeem xaiv tsa tau tsis ntshai qhov yuav raug ntes. USDP tau txais kev txhawb nqa los ntawm cov tub rog Mias Mas thiab kav teb chaws los ntau caum xyoo, lawv tiv hais txog kev daws kho txoj cai tshiab.