Tsoom pej xeem Thaib ua liaj ua teb, lawv ntshai lawv tej av poob mus ua cov tuam tsev tsim toob xib

Lub xeev Chachoengsao yog 1 hauv 3 lub xeev uas muaj kev lag luam kav tas sab hnub tuaj (EEC). Yam li cov tuam tsev tsim toob xib, tsheb nqaj hlau khiav ceev, tshav dav hlau thiab txhim kho 2 lub tshav nkoj loj. EEC cov hauj lwm raug nyiaj li ntawm 45 txhiab plhom US dos las. Yog kev txhim kho raws tseem hwv Thaib lub hom phiaj kom kev lag luam loj hlob thiab kev nqes peev. Vim li ntawd, nyob hauv cov thaj tsam ntawd thiaj muaj kev ntiav qiv av ntev li ntawm 99 xyoos. Ua rau cov pej xeem nyob thaj tsam EEC, lub xeev Chachoengsao, Chonburi thiab Rayong cov neeg uas ib txwm nyob los ntau tiam neeg kev ua noj tsawg zuj zus. Lawv ntshai tsam lawv tej av thiab tej vaj tse yuav poob tag rau cov neeg ua lag luam.

EEC yog lub hom phiaj ntawm kev lag luam uas muaj kev nqis peev li ntawm 10,000 plhom US dos las nyob hauv xyoo 2021. Tab sis tsoom pej xeem uas nyob ib cheeb tsam ntawd hais tias lawv tsis tau txais kev tuav xam txog lawv tej chaw thiab lub hom phiaj no, yog tias EEC ua cov hauj lwm ntxiv mus mas yuav ua kev kub ntxhov rau txhia yam nyob ib puag ncig thiab kev ua lub neej ntawm tsoom pej xeem, xws li kev yug tsiaj thiab kev ntes ntses muag.

Yawg Tassanee uas nws yog tus lwm thawj tswj ntawm cov hauj lwm saib xyuas kev lag luam nyob sab hnub tuaj (EECPC) uas yog ib feem hauj lwm ntawm tseem hwv hais tias : lawv tau tsa kom muaj sam thiaj nrog tsoom pej xeem sib tham li ntawm 40 zaus los lawm, kom tau kev nrog tsoom pej xeem sib paub tswv yim thiab tuav xam.

Dhau nod lawm, cov thaj tsam muaj hav zoov thiab muaj liaj teb kuj tau txais kev txuag zoo, thiab EEC txhawb nqa cov tuam tsev kom muaj kev siv Technology siab thiab lub tswv yim tshiab, kom haum rau huab cua thiab txhia yam nyob ib puag ncig.