TSWV NTUJ COV LUS NYOB HAUV TXOJ KEV UA NEEG NTSEEG (1)

Hnub tim 30 lub 9 hlis tsaib no, yog hnub uas tsoom neeg ntseeg Kav Tos Liv hwm Leej Ntshiab Yes Los uas nws yog ib tug kws Ntawv Ntshiab thoob tsib. Vaj Qhia Fas Ntshis Kus tshaj txog phau ntawv cim dej num tias : Huab Tais Yes Xus yog tus ua kom sawv daws pom txog nws lub tswv yim ntse thiab thoob tsib. Tom qab Huab Tais Yes Xus nce mus saum ntuj, mas Huab Tais Yes Xus lub tswv yim thiaj ua kom sawv daws to taub txog Ntawv Ntshiab zoo tuaj. Phau ntawv cim cov dej num ntawd, yog ib phau ntawv nthuav qhia qhov tseeb txog Tswv Ntuj. Nyob hauv lub Rooj Ncauj Lus Vas Tis Kas Ob, tau txhawb kom sawv daws kawm Tswv Ntuj cov lus raws li tsoom Tswv Qhia pom zoo. Vaj Qhia Npes Nes Dis tim 16 tau tsa lub Rooj Ncauj Lus Tswv Qhia xyoo 2008, hais txog Tswv Ntuj Lo Lus thiab lub Koom Txoos cov hauj lwm. Hais txog phau ntawv cim dej num ntim Tswv Ntuj Lo Lus. Vaj Qhia Npes Nes Dis tim 16 tau khaws txhua yam ntawm lub Rooj Ncauj Lus Tswv Qhia zaum ntawd tseg nyob hauv phau ntawv cim dej num. 
Nyob hauv phau ntawv cim dej num, mas Tswv Ntuj nthuav nws lub tswv yim. Vim li ntawd, Vaj Qhia Fas Ntshis Kus thiaj muab Hnub Chiv lis piam tim 3 hauv lub Caij Nyob Nruab Xyoos txhua txhua xyoo los ua hnub hwm Tswv Ntuj Lo Lus, vim yog ib lub caij zoo nyob hauv lub xyoo. Thaum peb tau nrog cov His Xas Lais ua phooj ywg thiab sib koom thov Ntuj, mas yog thov kom cov neeg ntseeg muaj kev thaj yeeb thiab nyob twj lij. Vaj Qhia pom tias Tswv Ntuj txhua lo lus muaj nqis thiab muaj phau Ntawv Ntshiab ua pov thawj rau peb ua ntu zus los txog tam sim no. Lub Koom Txoos muaj zog, pom kev thiab ruaj khov los ntawm Tswv Ntuj cov Lus thiab lub Cim Yug.
Peb cov neeg ntseeg zoo li ib co pej xeem uas cug pob ntseg mloog tus thawj coj lub suab hu coj peb mus kom txog Tswv Ntuj lub ceeb tsheej. Txoj kev yuav coj peb mus txog Tswv Ntuj lub ceeb tsheej, yog kev muaj lub siab ruaj nreb thiab lub tswv yim zoo nyob hauv txoj kev tshaj Ntuj Lus, kom txoj kev ntseeg loj hlob nyob ntawm yus tus kheej thiab ntawm lub Koom Txoos. Vim li ntawd, phau ntawv cim dej num, mas Tswv Ntuj tau ua kom peb muaj lub tswv yim thoob tsib thiab ua pov thawj tias : Yes Xus txoj kev sawv rov los thiab cov neeg uas muaj kev ntseeg zoo thiab phau Ntawv Ntshiab yog lub cim ntawm yus txoj kev ntseeg. Txoj cai hais txog nthuav qhov tseeb ntawm Tswv Ntuj, tau ua kom sawv daws rov xav txog cov hauj lwm Yes Xus cov Thwj Tim ua nyob hauv lub Koom Txoos, vim Leej Ntuj Plig Ntshiab. Qhov no yog kev nkag siab txog kev ntseeg ua ntu zus los, kom cov muaj kev ntseeg zoo nco cim tseg rau lawv nruab siab.