TUB CEEV XWM NTES IB TUG NEEG KHAJ CAI NYOB NYAB LAJ TEB

Wednesday, November 25, 2020

Hnub tim 7 lub 10 hli tag los no, cov tub ceev xwm nyob Nyab Laj qab teb tau ntes ib tug poj niam thiab tshawb nws tsev nyob hauv lub nroog Hom Cis Mees. Tub ceev xwm liam txim tias nws tiv cov tseem hwv thiab tshaj tej ntaub ntawv hais txog kev sib tawm tsam nyob hauv Internet. Tus poj niam raug ntes ntawd nws yog neeg nyob Has Nais (Hanoi), nws yuav raug kaw nkuaj 4 lub hlis tos soj ntsuam txog nws tej ntaub ntawv thiab nws lub txim.

Le Nguyen Huong Tra hais tias : nws xav tsis txog tias nws tus phooj ywg tshaj cov xwm hais txog kev sib ntaus ntawm cov tub ceev xwm thiab cov pej xeem nyob Dong Tam. Cov xwm Trang tshaj yog muaj 3 tug tub ceev xwm thiab ib tug thawj coj tsoom pej xeem raug tua tuag. Nghien uas nws yog ib tug neeg ntseeg Kav Tos Liv hais tias : hnub uas Trang raug ntes, mas ncaj rau hnub uas cov tseem hwv Nyab Laj thiab cov tseem hwv As Mes Lis Kas sib tham txog tib neeg kev ncaj ncees zaum tim 24, hnub tim 6-7 lub 10 hli. Ces txhais tau tias cov tseem hwv Nyab Laj tsis hwm txoj cai ntawm tib neeg kev ncaj ncees nyob ntiaj teb no.

Add new comment

8 + 2 =

Quick Links