Tub kws tshuaj Khas Phus Chas tau txais lub paj tshab Nos Npes As Xias, vim nws tau pab tsoom pej xeem kom dim ntawm Khas Phus Chas liab

Ib tug kws kho mob neeg Khas Phus Chas tau pab kho tsoom pej xeem muaj mob uas dim ntawm cov Khas Phus Chas liab los. Nws yog tus tau txais lub paj tshab Ramon Magsaysay Award hauv lub xyoo no. Los yog hu ua lub paj tshab Nos Npes ntawm As Xias. Lub paj tshab Nos Npes tau txhim tsa kom muaj nyob hauv xyoo 1958, tis npe raws li tus Txoov Tim Tswv Fis Lis Pees uas taug tag sim neej los ntawm dav hlau poob.

Chhim Sotheara uas nws muaj 54 xyoos, nws yog tus dim siav ciaj los ntawm cov Khas Phus Chas liab tes, nws tau muab siab rau kho cov neeg muaj mob uas cov Khas Phus Chas hu ua “Npav npav”, yog ib tug kab mob uas voos los ntawm cov qhov txhab (PTSD).

Tus muab paj tshab qhuas tus kws kho mob hais tais : “Nws muaj peev xwm thiab muaj lub siab ntev kho cov neeg mob loj, thiab nws yeej cov kab mob”.

Xyoo 1970 cov Khas Phus Chas liab tau tua tsoom pej xeem Khas Phus Chas tuag yuav luag yog 1 feem 4, tua tsoom pej xeem tuag coob kawg. Lawv yuam tsoom pej xeem ua hauj lwm hnyav thiab cia yoo tshaib. (TPO) Cambodia txhim tsa xyoo 1995, kom tau pab tsoom pej xeem fab siab ntsws li ntawm 200,000 leej nyob hauv ntau xyoo dhau los.

Chhim Sotheara tau txais nws daim ntawv pov thawj nyob hauv Monash University, nyob Mes Npaws thiab tib lub sij hawm ntawd nws txhim tsa lub koom haum Transcultural Psychosocial (TPO) nyob Khas Phus Chas teb.