TUB ZOG ME NYUAM YAUS RAUG QUAB YUAM

Raws kev soj ntsuam ntawm lub Koom Haum UNICEF ILO thiab ntiaj teb lub tuam txhab, mas pom tau tias muaj 168 plhom tus me nyuam yaus uas hnub nyoog 5 xyoos txog 17 xyoo raug quab yuam ua hauj lwm nyob thoob ntiaj teb. Cov me nyuam no lawv raug quab yuam ua hauj lwm hnyav thiab ua qhev. Tej tus kuj raug khi raug nplawm thiab raug kaw nyiaj tshaib yoo nqhis. Muaj ib txhia raug quab yuam ua tub rog thiab ua luam tshuaj txhaum kev cai rau cov los pav. 
Xyoo 2020 no, nyob thoob ntiaj teb tseem muaj cov me nyuam yaus raug quab yuam ua qhev 100 plhom leej. Feem ntau yog cov me nyuam ntxhais uas lawv ua hauj lwm tu vaj tu tsev. Tej tug kuj raug quab yuam mos deev kaw nyob hauv tsev. 
Cov teeb meem no txiav cov me nyuam lub neej, vim lawv tsis tau nrog luag kawm ntaub kawm ntawv, tsis tau nrog lwm cov me nyuam pom kev vam meej. Niaj hnub lawv tsuas nyob nrog lawv txoj hauj lwm uas raug quab yuam ua hauj lwm hnyav xwb. 
Teeb meem cov me nyuam yaus raug quab yuam ua hauj lwm hnyav no, yog los ntawm kev ua neeg thoj nam tsiv teb tsaws chaw. Kev ua tsov ua rog, ces lub teb chaws raug kev tshaib nqhis.