Tus kab mob COVID-19 yuav tua cov neeg Suav tuag tshaj ib plhom leej nyob hauv xyoo 2023

Sunday, January 15, 2023

Kev txiav txim siab rhuav tshem txoj cai tiv thaiv tus kab mob COVID-19 tom qab muaj kev tawm tsam khaj cai, mas yuav ua rau neeg tuag txog 1 plhom tawm leej nyob hauv xyoo 2023, raws cov kws txuj thiab cov pwm tsav saib xyuas tib neeg lub cev kev noj qab nyob zoo (IHME) nyob As Mes Lis Kas teb hais.

Kev kawm thiab luam tawm nyob hauv lub 7 hli xyoo no, cov kws txuj fab kev noj qab haus huv nyob hauv lub tsev kawm txheej siab Fudan, nyob Saas Hais xav tias : tus kab mob COVID-19 yuav sib kis heev dua qub thiab yuav muaj neeg tuag coob tshaj 1 plhom leej nyob hauv 6 lus hlis xyoo 2023, yog tias tseem hwv Suav rho txoj cai txwv thiab tiv thaiv tus kab mob COVID-19.

Cov kws txuj As Mes Lis Kas hais tias : xav tias neeg yuav tuag coob rau lub 4 hlis thiab cov neeg tuag yog 1 feem 3 ntawm tas tsoom pej xeem Suav uas yog 1 plhom 400 txhiab leej. Cov neeg yuav kis kab mob thiab tuag li ntawm 322,000 leej uas yog coob tshaj txhua zaus. Ces yog ib qhov txhawj xeeb tias yuav muaj neeg sib kis kab mob coob heev nyob rau lub qab xyoo no uas yog lub caij ntiaj teb so lub tsiab peb caug. Vim 10 hnub dhau los no, cov tseem hwv Suav tau rhuav tshem txoj cai tiv thaiv thiab txwv tsis pub neeg tawm.

Kev nkaug tshuaj Vaccine kuj tsis zoo, cev cov neeg Suav feem coob xaiv txoj kev them nyiaj yuav cov Vaccine BioNTech nyob Mas Kaus, uas yog cov Vaccine ua nyob Zes Mas Nias teb. Cov neeg sib kis kab mob muaj coob, thiab ua kev ntxhov siab rau cov kws tshuaj nyob hauv lub teb chaws, kuj ua teeb meem rau kev yuav txhawb nqa kev lag luam kom rov sawv sai sai, ces txhua yam no yog cov teeb meem yuav tshwm sim thiab phem tshaj plaws nyob hauv 30 xyoo dhau los nyob Suav teb.

Tus sau: Fr. Rodighiero Domenico
Tus txhais: Lis Maib