Tus nqi siab tuaj ntxiv nyob As Xias toob fab naj, tsov rog nyob Us Khas Zis Nas tseem tshuav ntev.

Tshwj zias Xees Cas Pos teb tib lub teb chaws xwb, uas nyob hauv xeev ntuj As Xias toob fab naj thiaj yuav txiav Lav Xias teb tawm. Hos cov teb chaws nyob As Xias toob fab naj feem coob lawv tsis tuaj leej twg tog thiab tsis txiav leej twg tawm. Qhov kev ntxhov siab loj mas yog peev nyiaj txiag ntawm kev tsim tawm nce siab tuaj, tab sis muaj ntau lub nroog tseem tuav kev phooj ywg nrog Lav Xias. Ib qho kuj yog los ntawm Lav Xias cov lus hais tau txaus ntseeg, thiab Suav teb kuj tshaj tawm tau txaus ntseeg tib yam.

Thaum Lav Xias muaj kev tshaj tawm hais txog kev siv tub rog, mas As Xias toob fab naj ntsia pom tias Us Khas Zis Nas teb yuav raug ntaus rog yam sai heev xws li lub nroog Crimea uas raug txeeb nyob hauv xyoo 2014. 

Txij ntawd los xeev ntuj ntawd pib muaj kev ntxhov thiab sib txeeb ua ntu zus. Qhov loj tiag yog los ntawm tus nqi txhiam xws noj thiab tej toob xib uas neeg cheem tsum siv nce siab tuaj. Txawm li ntawd tsis kav kev sib txeeb kuj tseem ntsia pom tias yog cov teeb meem nyob deb As Mes Lis Kas, Lav Xias thiab Nato. Vim cov teb chaws nyob hauv xeev ntuj ntawd tsis muaj dab tsi cuam tshuam txog. 

Tab txawm lub suab ncha tias Lav Xias hla txoj cai ntawm cov teb chaws uas yog kev ntaus rog, tab sis kev txhawb nqa thiab pab Us Khas Zis Nas teb muaj tsawg dua cov teb chaws nyob Aws Los Pas, vim kev sib ntaus rog nyob nrug deb cov teb chaws. Txij hnub tim 24 lub 2 hlis 2022 los, kev ntsia ntsoov ntawm cov teb chaws nws tsis muaj qhov txawv txav los yog hloov kom zoo tuaj nyob hauv kev sib ntaus rog.

Kev txhawb nqa hais txog kev txiav Lav Xias tawm mus, mas muaj Xws Ves Lis teb, Pos Kas teb thiab Aas Kiv teb. Dua li lwm cov teb chaws nyob sab hnub poob, mas lawv tab tom soj ntsuam thiab tuav xam. 50 feem pua nyob Xees Cas Pos teb uas npaj siab yuav txiav Lav Xias tawm mus. Is Ntos Nes Xias teb, Thaib teb thiab Mas Les Xias, mas tseem nyob twj ywm.