TUS TXIV PLIG FAB KIS TSHAJ NTUJ LUS NYOB NYAB LAJ TEB.

Txiv Plig Jean Cassaigne tau hloov cov neeg txom nyem coob leej lawv lub neej nyob Leprosarium uas nws tau txhim tsa xyoo 1929. Niaj Hnub Chiv James K’Beo sau nws cov me nyuam thiab cov xeeb ntxwv nyob hauv ib lub tsev xov nruab me me, lawv teev Ntuj, thov Ntuj thiab noj sus ua ke. Txawm tias lawv lub zos yog ib lub zos me me, tsis kav lawv kuj tseem teev Ntuj raws li Txiv Plig Jean Cassaigne qhia lawv nyob hauv xyoo 1895 txog xyoo 1973. 
Niaj hnub lawv ua liaj ua teb thiab ua hauj lwm, tab sis Hnub Chiv lawv so thiab teev Ntuj ua ke. Lawv ua thiab coj raws Txiv Plig cov lus qhuab qhia. K’Hor uas nws muaj hnub nyoog 79 xyoos, nws hais tias Txiv Plig Jean Cassaigne tau qhia lub Cim Cog Lus rau nws thiab nws poj niam, ces nkawd ua lub Cim Cog Lus nyob hauv tsev teev Ntuj. Kom nkawd tau ua lub neej mloog Tswv Ntuj Lus thiab qhia tej me tub me nyuam ua neej mus raws kev ntseeg. 
Xyoo 1958, Txiv Plig Jame Cassaigne thiab 3 tug neeg ntseeg thiaj mus Di Linh uas yog ib lub nroog nyob hauv lub xeev Las Doos (Lam Dong). Nyob ntawd muaj ib lub tsev kho cov neeg mob ruas, muaj 21 tus neeg mob ruas nyob hauv. Yog cov tub tshaj Ntuj Lus Fab Kis tuaj txhim tsa xyoo 1929. Txiv Plig Jame Cassaigne thiaj txiav txim siab nyob hauv Di Linh saib cov neeg mob ruas. Xyoo 1973 Txiv Plig Jame Cassaigne thiaj tuag vim tus kab mob ruas nyob Di Linh.