Txog caij ntuj no, ces cov me nyuam As Kas Nis Taas rov tshaib plab

Muaj coob leej me nyuam uas lawv tsis muaj txhiam xws noj txaus, ces lawv yuag yuag thiab daj ntseg lis, lawv tau mus hauv lub tsev kho mob cov me nyuam yaus nyob As Kas Nis Taas. Ntau zaus uas lawv txoj sia poob nyob hauv txoj kev muaj mob muaj nkeeg, tab sis tsis muaj tsev kho mob txaus kho lawv.

Zubair muaj hnub nyoog 6 lub lis piam, nws niam coj nws mus txog tsev kho mob nyob As Kas Nis Taas, cov kws tshuaj siv 2-3 teev los pab nws.

Lub tsev kho mob Doctors Without Borders (MSF) nyob hauv lub nroog Herat, lub nroog uas loj tshaj nyob As Kas Nis Taas teb sab hnub poob tau pab tsoom pej xeem hais txog fab kev noj qab haus huv, ces ua rau lawv ntsib teeb meem ntawm kev siv nyiaj los cov neeg pab nyiaj txiag.

Txij lub 8 hli ntuj uas cov Taliban txeeb lub nroog Khas Npus, lub tsev kho mob tau txhab cov txaj pw ntxiv 45 lub ua 75 lub. Ib lis piam twg lawv txais 60 tus neeg mob. Tas txhua yam uas hais los no, tsis muaj txaus pab kev kub ntxhov. Lub Koom Haum me nyuam yaus ntawm UNICEF hais tias : muaj cov me nyuam As Kas Nis Taas li 3.2 plhom leej uas yog cov hnub nyoog qis dua 5 xyoos raug kev tshaib plab thiab lawv tsis muaj noj txaus nyob hauv lub caij ntuj no xyoo no.

Shabaneh Karimi uas yog Zubair niam, nws mus ko taw 150 km kev, vim yog nws niam xav pab nws. Chiv thawj nkawd mus hauv lub xeev lub tsev kho mob, tom qab ntawd nkawd mam raug xa mus rau MSF. Kev muaj mob muaj nkeeg ntawm cov me nyuam uas tsis muaj txhiam xws noj txaus, ua rau lawv cov niam cov txiv qee leej yuav tsum mus kev taw li ntawm 200 km, vim yog tsis muaj tsev kho mob.